शोपिया, 28 फरवरी (हि.स.)। जम्मू कश्मीरको शोपिया जिल्लाको बाटापोरा क्षेत्रमा केन्द्रिय रिजर्भ पुलिस बल (सीआरपीएफ) का एक सैनिकले आफैलाई गोली हानी आत्महत्या गरेको घटना प्रकाशमा आएको छ। यो घटनाले सुरक्षा बल र पुलिस प्रशासनमा शोकको माहोल छ।

अधिकारीहरू अनुसार, मृतक सैनिकको पहिचान हिमाचल प्रदेशका निवासी मनीष कुमारको रूपमा गरिएको छ, जो सीआरपीएफको 14औं बटालियनमा हवल्दारको रूपमा कार्यरत थिए। प्रारम्भिक जानकारी अनुसार, सैनिकले शिविर परिसरभित्र आफ्नो सर्विस राइफलले आफैलाई गोली हानेको देखिन्छ।

घटना लगत्तै उनका सहकर्मीहरूले उनलाई उपचारको लागि नजिकैको मेडिकल सेन्टर लगे, जहाँ डाक्टरहरूले उनलाई मृत घोषित गरे।

पुलिस र सुरक्षा एजेन्सीहरूले घटनाको अनुसन्धान शुरु गरेका छन्। अधिकारीहरूले सैनिकद्वारा यो कदम चाल्नुको कारण पत्तो लगाइरहेको बताएका छन्। हाल घटनाको सबै पक्षहरूको अनुसन्धान भइरहेको छ।

घटनापछि सीआरपीएफ र स्थानीय पुलिसले स्थापित प्रक्रिया अनुसार थप कारबाही शुरु गरेको छ।

हिन्दुस्थान समाचार / भवानी थामी