इम्फाल, 28 फरवरी (हि.स.)। सुरक्षा बलहरूको राज्यभरि भइऱहेको निरन्तर अभियानमा उग्रवादीहरूलाई पक्राउ गरिँदैछ भने अर्कोतिर हतियार र गोलाबारुद पनि जफत भइरहेको छ। मणिपुर पुलिसले शनिवार जानकारी गराएको छ कि इम्फाल पश्चिम एवं चुराचन्दपुर जिल्लाहरूबाट प्रचुर मात्रामा हतियार र गोलाबारुद जफत गरिएको छ।

शुक्रवार इम्फाल पश्चिम जिल्लाको पटसोई थाना अन्तर्गतको भित्री क्षेत्रको संगैथेल माखा लेइकाई क्षेत्रबाट म्यागजिन बिनाको एक मोडिफाइड .303 राइफल, स्थानीय रूपमा बनेका दुई बोल्ट एक्शन सिंगल ब्यारेल बन्दुक, एक-एक म्यागजिन सहित चार पेस्तोल, डेटोनेटर बिनाको दुई नम्बर 36 एचई ग्रेनेड, एउटा एचई बम, 15 राउन्ड .303 कार्ट्रिज र तीन चार्जर क्लिप, आठ .303 खाली कार्ट्रिज, एउटा एसएलआर खाली कार्ट्रिज, एउटा बीपी भेस्ट र दुई फलामका प्लेटहरू, दुई क्यामोफ्लाज हेलमेट र तीन झोलाहरू जफत गरिएको छ।

एक अन्य अभियानमा सुरक्षाबलले शुक्रवार चुराचन्दपुर जिल्लाको थिंगीजाङ गाउँको जंगलबाट 47 म्यागजिन सहित एके राइफल, तीनवटा सिंगल ब्यारेल, एउटा बोल्ट एक्सन सिंगल ब्यारेल, स्कोप सहित एउटा बोल्ट एक्सन स्नाइपर राइफल, सातवटा 7.62 एमएम फायर गरिएका केसहरू र दुई वटा एसएलआर म्यागजिनहरू जफत गरेको छ।

यद्यपि, हतियारहरू कुन समूहले लुकाएको थियो भन्ने कुरा थाहा लागेको छैन। पुलिस थप कारबाहीमा जुटेको छ।

हिन्दुस्थान समाचार / भवानी थामी