गान्तोक, 16 मार्च (हि.स.)। सोरेङ जिल्लाको तिम्बुरबोङ निवासी प्रख्यात साहित्यकार सीपी शर्मा (प्रकाश भट्टराई) साहित्य अकादमी पुरस्कारका लागि मनोनित भएका छन्। नेपाली साहित्यको क्षेत्रमा पुर्‍याएको उल्लेखनीय योगदानका लागि भट्टराईलाई साहित्य अकादमी पुरस्कार प्रदान गरिने भएको छ।

साहित्य अकादमीले वर्ष २०२५ का लागि आफ्ना प्रतिष्ठित वार्षिक साहित्य अकादमी पुरस्कारहरूको घोषणा गरेको छ। यस पटक देशका २४ भारतीय भाषाहरूका उत्कृष्ट साहित्यिक कृतिहरूलाई सम्मानका लागि छनोट गरिएको छ। यस क्रममा साहित्य अकादमीले नेपाली भाषामा निबन्ध संग्रह 'नेपाली पारम्परिक संस्कृति र सभ्यताको ढुकुटी' का लागि साहित्यकार प्रकाश भट्टराईलाई साहित्य अकादमी पुरस्कारको लागि चयन गरेको छ।

साहित्यिक योगदानका अतिरिक्त उनले शिक्षा क्षेत्रमा पनि लामो समय सेवा पुर्याए। उनले पीजीटी नेपाली शिक्षकको रूपमा काम गरे र पछि सन् २००९ सम्म बुढीयाखोप सिनियर सेकेन्डरी स्कूलको प्रधानाध्यापकका रूपमा सेवा गरे।

हाल भट्टराई 'इन्स्टिच्युट फर ट्रान्सफर्मिङ सिक्किम' को उपाध्यक्षको रूपमा कार्यरत छन्। सोरेङको तिम्बुरबोङ निवासी भट्टराई पुरस्कार सूचीमा परेपछि जिल्ला र राज्यका जनतामा खुशी र गर्वको लहर छाएको छ।

-----

हिन्दुस्थान समाचार / बिशाल