कोलकाता, 17 मार्च (हि.स.)। पश्चिम बंगालमा मौसमको पहिलो कालबैशाखी तूफानले गए सोमवार साँझ कोलकाता सहित राज्यका केही जिल्लाहरूमा ठूलो विध्वंस मचायो। हुरी-बताससितै मुसधारे पानी परेको कारमले ठाउँ-ठाउँमा रूकहरू ढलेर बिजुलीका लाइनहरूलााई क्षति पुऱ्यायो साथै यातायातलााई पनि प्रभावित बनायो।

पछिल्लो केही दिनदेखि राज्यका विभिन्न भागहरूमा रोकिंदै पानी परिरहेको थियो, तर सोमवार साँझ अचानक मौसमले कोल्टे फेऱ्यो। तीव्र हावासितै झमझम पानी पर्न थाल्यो। त्यसपछि तूफान चल्यो जसले कोलकाता, पश्चिम मेदिनीपुर, हावड़ा र हुगली लगायत अन्य जिल्लाहरूलाई पनि प्रभावित पाऱ्यो। कोलकातामा हावाको गति 72 किलोमीटर प्रतिघण्टा दर्ता गरियो।

मौसम विभागले गए सोमवार राती हावड़ा, कोलकाता, दक्षिण 24 परगना औ पूर्व मेदिनीपुर जिल्लाको लागि चेताउनी जारी गरेको थियो। यी क्षेत्रहरूमा 70-80 किलोमीटर प्रतिघण्टाको गतिले हावा चल्ने सम्भावना व्यक्त गरेको थियो भने उत्तर 24 परगना जिल्लाको लागि अरेञ्ज अलर्ट जारी गरेको थियो। चेताउनी जारी गरिएको केही घण्टापछि नै शुरू भएको तूफान एवं वर्षाले धेरैवटा ठाउँमा नोक्सान पुऱ्यायो।

कोलकाताको बजबज ट्रंक रोडमा जिंजिरा बजार निकट एउटा ठूलो होर्डिंग भाँचिएर झऱ्यो जसले गर्दा सड़कको एक भागलाई बन्द गर्नुपऱ्यो। शहरका केही भगहरूमा रूख ढलेर बिजुलीको तार भुइँभरि झरियो जसबाट बिजुली आपूर्ति प्रभावित भयो। शहरका कतिपय ठाउँमा असिना पानी पनि पऱ्यो।

मौसम विभागले बतायो, उत्तर बंगालका केही जिल्लाहरूमा हुरी-बतास आउने सम्भावना कायम छ। दार्जीलिङ, कालेबुङ, अलिपुरद्वार, कुचबिहार तथा जलपाईगुड़ीमा तूफानसितै वर्षा हुनसक्छ। यस अतिरिक्त उत्तर र दक्षिण दिनाजपुर तता मालदा जिल्लामा पनि छुटपुट वर्षा हुने सम्भावना व्यक्त गरिएको छ।

हिन्दुस्थान समाचार / उष्णता छेत्री शर्मा