नयाँ दिल्ली, 02 मार्च (हि.स.)। इरान, इजरायल र संयुक्त राज्य अमेरिका बीचको द्वन्द्वका कारण मध्य पूर्वमा उत्पन्न स्थितिको प्रभाव विश्वव्यापी रूपमा महसुस भइरहेको छ। एयर इन्डिया र इन्डिगो लगायत धेरै एयरलाइन्सहरूले आफ्ना उडानहरू रद्द गरेका छन्। एक दिन अघि ११ देशहरूमा हवाई क्षेत्र बन्द भएकाले आइतबार भारतमा ३५० अन्तरराष्ट्रिय उडानहरू रद्द गरिएको थियो।

सोमबार एक्समा जारी गरिएको एक विज्ञप्तिमा नयाँ दिल्लीको इन्दिरा गान्धी अन्तरराष्ट्रिय (आईजीआई) विमानस्थलले लेखेको छ, मध्य पूर्वमा बदलिँदो राजनीतिक परिस्थितिका कारण, पश्चिमतर्फका अन्तरराष्ट्रिय उडानहरूले अवरोध र तालिकामा परिवर्तनको सामना गरिरहेका छन्। असंख्य उडान रद्द भएका कारण यात्रुहरू आईजीआई विमानस्थलमा अलपत्र परेका छन्। यसैबीच, असंख्य उडान रद्द भएका कारण मुम्बईको छत्रपति शिवाजी महाराज अन्तरराष्ट्रिय विमानस्थलमा यात्रुहरूले असुविधाको सामना गरिरहेका छन्।

एयर इन्डियाले यस क्षेत्रको बिग्रँदै गएको सुरक्षा अवस्थालाई ध्यानमा राख्दै मध्य पूर्वका सबै गन्तव्यहरूमा आफ्नो उडानहरू अस्थायी रूपमा स्थगित गरेको छ। एक्समा जारी गरिएको एक एडभाइजरीमा एयरलाइन्सले यात्रु र चालक दलको सुरक्षा सर्वोपरि रहेको बताएको छ। इन्डिगोले मध्यरात १२ बजीसम्म मध्यपूर्वका लागि सबै उडानहरू रद्द गरेको छ। जारी हवाई सीमा प्रतिबन्धका कारण २ र ३ मार्चमा कुल २०३ इन्डिगो उडानहरू रद्द गरिएको छ। कम्पनीले यसलाई सावधानी उपाय बताएको छ।

इरान-इजरायल युद्धका कारण ११ देशहरूमा हवाई क्षेत्र बन्द भएका कारण आइतबार भारतमा ३५० अन्तरराष्ट्रिय उडानहरू रद्द गरियो। मुम्बई विमानस्थलमा १२५ र दिल्ली विमानस्थलमा १०० उडानहरू रद्द गरियो। अमृतसर विमानस्थलमा पनि दश उडानहरू रद्द गरियो, जसमा कतार एयरवेज, एयर इन्डिया एक्सप्रेस, स्पाइसजेट, र इन्डिगोले दुबई, दोहा र शारजाह रुटहरूमा उडानहरू समावेश थिए। देशभरका अन्य धेरै शहरहरूबाट पनि उडानहरू रद्द गरिएका छन्।

हिन्दुस्थान समाचार / भवानी थामी