नयाँ दिल्ली, ०२ मार्च (हि.स.)। प्रधानमन्त्री नरेन्द्र मोदीले देशका युवाहरूको क्षमता र आत्मविश्वासको शक्तिलाई जोड दिँदै एक प्रेरणादायी संस्कृत सुभाषित साझा गरेका छन्। उनले भारतका युवा शक्तिले जब कुनै लक्ष्य तय गर्छन्, त्यसलाई पूरा गरेरै छाड्छन् भनी बताएका छन्।
प्रधानमन्त्रीले सोमबार सामाजिक सञ्जाल प्लेटफर्म एक्समा लेख्दै भने, भारतवर्षको युवाशक्तिको दृढ़ संकल्प अतुलनीय छ। हाम्रा युवा साथीहरूले जे ठान्छन्, त्यो गरेर देखाउँछन्। यही कारणले आज हाम्रो देश आफ्ना सपनाहरू साकार पारिरहेको छ।
उनले आफ्नो सन्देशमा एक संस्कृत श्लोक पनि साझा गरेका छन्,
न वा उ मां वृजने वारयन्ते न पर्वतासो यदहं मनस्ये।
मम स्वनात् कृधुकर्णो भयात एवेदनु द्यून्किरणः समेजात्।।
यसको अर्थ स्पष्ट पार्दै उनले भने, आत्मविश्वासको शक्ति अत्यन्त गहिरो हुन्छ र यसलाई कसैले पनि दबाउन सक्दैन। पहाडजस्ता ठूला बाधाहरूले पनि दृढ़ इच्छाशक्तिको अगाडि अवरोध गर्न सक्दैनन्। यदि व्यक्तिमा अटल इच्छाशक्ति छ भने ऊ सूर्यभन्दा पनि शक्तिशाली बन्न सक्छ।
---------------
हिन्दुस्थान समाचार / भवानी थामी
