चण्डीगढ, २२ मार्च (हि.स.)। पञ्जाब वेयर हाउसका जिल्ला प्रबन्धक आत्महत्या प्रकरणमा शनिबार रातभरि अमृतसरमा हंगामा भयो। विवाद बढ्दै गएपछि पञ्जाब पुलिसले आइतबार बिहान पूर्व यातायातमन्त्री लालजीत सिंह भुल्लर, उनका बुबा र निजी सचिवविरुद्ध मुद्दा दर्ता गर्यो।

यसअघि मुख्यमन्त्री भगवन्त मानले मुख्य सचिव र डीजीपीबाट यो विषयमा रिपोर्ट लिए। विपक्षी दलहरू कांग्रेस, अकाली दल र भाजपाले आइतबार मुख्यमन्त्री निवास घेरने घोषणा गरेका छन्।

पञ्जाब वेयर हाउसिङका जिल्ला प्रबन्धक गगनदीप सिंह रन्धावाले लालजीत सिंह भुल्लरमाथि उत्पीडनको आरोप लगाउँदै आत्महत्या गरेका थिए। शनिबार रन्धावाको मृत्युपछि पञ्जाबको राजनीति तातियो। अकाली दल प्रमुख सुखबीर बादल, विपक्षी नेता प्रताप सिंह बाजवा, भाजपा अध्यक्ष सुनिल जाखड अमृतसर पुगे र सरकारविरुद्ध आन्दोलनको घोषणा गरे।

विपक्षको धम्कीपछि सरकारले तत्काल प्रभावका साथ लालजीत भुल्लरको राजीनामा लियो। रन्धावाका परिवारजन तथा विपक्षी दलहरू लालजीत भुल्लर र उनका सहयोगीहरूविरुद्ध मुद्दा दर्ता गर्न अडिग रहे। मृतकका परिवारजनले शनिबार साँझ शव लिन अस्वीकार गरे।

त्यसपछि आज बिहान पञ्जाबका पूर्वमन्त्री लालजीत सिंह भुल्लर, उनका बुबा सुखदेव भुल्लर तथा निजी सचिव दिलबाग सिंहविरुद्ध मुद्दा दर्ता गरियो। तीनै जनामाथि भारतीय न्याय संहिताको धारा १०८ अर्थात् आत्महत्या गर्न उक्साएको, ३५१(३) मार्ने धम्की र ३(५) अपराधका धाराहरू लगाइएका छन्। पुलिसले रन्धावाकी पत्नी उपिन्दर कौरको उजुरीमा यो मुद्दा दर्ता गरेको हो।

पत्नीले भनिन्, भल्लरले उनलाई धम्क्याए कि ग्याङ्गस्टरहरू उनीहरूको कब्जामा छन्। तेरो परिवारलाई समाप्त गर्न एक संकेत नै पर्याप्त छ। यदि तैंले मेरो नियम मान्न सक्दैनौ भने तलाई बाँच्ने अधिकार छैन, तैंले विष खा।' त्यसपछि पतिले आत्महत्या गरे।

---------------

हिन्दुस्थान समाचार / भवानी थामी