इम्फाल, २४ मार्च (हि.स.)। मणिपुरमा प्रतिबन्धित संगठनहरूविरुद्ध सुरक्षा बलहरूको अभियान जोरदार रूपमा जारी छ। यसै क्रममा तेङनोपाल जिल्लाबाट प्रतिबन्धित संगठन प्रीपाक (आरए) का १० कार्यकर्ताहरूलाई पक्राउ गरिएको छ। मणिपुर पुलिस मुख्यालयले आज जारी गरेको आधिकारिक वक्तव्यमा यो जानकारी दिएको छ।

खुफिया सूचनाको आधारमा सोमबार सञ्चालित अभियानका क्रममा तेङनोपाल जिल्ला मोरे थाना अन्तर्गत भारत-म्यानमार अन्तरराष्ट्रिय सीमाको स्तम्भ नम्बर ७७ र ८२ बीचबाट सुरक्षा बलहरूले प्रतिबन्धित संगठन प्रीपाक (आरए) का दस सक्रिय कार्यकर्ताहरूलाई पक्राउ गरेको बताएको छ। पक्राउ परेका कार्यकर्ताहरूमा पाँच किशोर पनि सामेल छन्।

पक्राउ परेका कार्यकर्ताहरूको पहिचान कीथेलकपम शांजित सिंह उर्फ लोइचिञबा (34), फौगाकचाओ मामङ लेइकाई, बिष्णुपुर जिला, सलाम रोहित मैतेई उर्फ पंथुङ (35), निङथौखोङ मामङ लेइकाई, बिष्णुपुर जिल्ला, खाइदेम ज्याक्सन सिंह उर्फ वाङ्गबा (27), वाइखोङ केइराम लेइकाई, काकचिङ जिला; क्षत्रिमयुम इनाओसाना सिंह उर्फ कुमारजीत (36), अवाङ लेइकिंथाबी माखा लेइकाई, इमै पश्चिम जिल्ला, सेनजम थोइबिनाओ मैतेई (36), केइकोन माखा लेइकाई, इम्फाल पूर्व जिल्लाको रूपमा गरिएको छ।

यसैगरी यी पाँच किशोरहरूसँग किशोर न्याय ऐनअन्तर्गत निर्धारित प्रक्रियाअनुसार व्यवहार गरिएको छ। पुलिसले पक्राउ कार्यकर्ताहरूसँग सोधपुछ गरिरहेको छ।

---------------

हिन्दुस्थान समाचार / भवानी थामी