ईरोड, 24 मार्च (हि.स.)। विधानसभा चुनाउलाई ध्यानमा राख्दै ईरोड जिल्लामा गहन जाँचको क्रममा निर्वाचन उड़न दस्ताले वैध कागजातहरू बिना ढुवानी भइरहेको 18.700 किलो चाँदीका गहना जफत गरेको छ।

यो कारबाही सत्यमंगलम-मैसूर राष्ट्रिय राजमार्गको थिम्बम घाट रोडमा भएको हो। जाँचको क्रममा केरल दर्ता नम्बर भएको कार रोकियो र चाँदीको पायल, झुम्का , सजावटी गहना र आवरणका गहनाहरू भएका झोलाहरू जफत गरियो। तिनीहरूको मूल्य लगभग 51 लाख रुपियाँ अनुमान गरिएको छ।

जाँचमा थाहा लाग्यो कि कारमा रहेका व्यक्ति नेल्सन, केरलको त्रिशूरका एक गहना निर्माता हुन्। उनले समानहरू बिक्रीको लागि बेंगलुरुमा ढुवानी गरिरहेको बताए तर आवश्यक कागजातहरू प्रस्तुत गर्न सकेनन्। फलस्वरूप, उड़न टोलीले सबै गहनाहरू जफत गर्योह र निर्वाचन नैतिकता अधिकारी सुधाकरणलाई बुझायो।

वास्तवमा, निर्वाचन आचार संहिता अन्तर्गत उचित कागजात बिना ₹50 हजारभन्दा बढ़ीको नगदी वा समान जफत गर्न सकिन्छ। यस नियम अन्तर्गत जिल्लामा निरन्तर कड़ा जाँच भइरहेको छ।

अन्य स्थानहरूमा पनि कारबाही

पन्नारी चेकपोस्टमा कर्नाटकका एक व्यापारीको कारबाट पनि ₹1.34 लाख नगदी जफत गरियो। यस बाहेक विभिन्न स्थानहरूमा चेकजाँचको क्रममा विभिन्न व्यक्तिहरूबाट कागजात बिनाको नगदी जफत गरियो।

तमिलनाडू-कर्नाटक सीमामा रहेका अरेपलयम, अरसुर-मक्किनाङ्गोम्बाई रोड, अत्ताणी रोड, कोल्लेगल रोड जंक्शन र अन्य क्षेत्रहरूमा गरिएको कारबाहीको क्रममा कूल ₹7,34,000 नगदी जफत गरियो। यो रकम सहायक निर्वाचन आचार संहिता अधिकारी जमुनारानीलाई हस्तान्तरण गरिएको छ।

निर्वाचन आचार संहिता अधिकारी सुधाकरणले यात्रा गर्दा नगदी वा बहुमूल्य समान बोक्दा वैध कागजात बोक्न मानिसहरूलाई अपील गरेका छन् अन्यथा तिनीहरू जफत हुनसक्छ।

हिन्दुस्थान समाचार / भवानी थामी