फर्रूखाबाद, 24 मार्च (हि.स.)। उत्तर प्रदेशको फर्रुखाबादको कोतवाली मोहम्मदाबाद क्षेत्रमा सोमवार राति आफ्नो घर बाहिर सुतिरहेका एक युवकको घाँटी रेटी हत्या गरिएको छ। पुलिसले घटनास्थलमा पुगेर अनुसन्धान शुरु गरेको छ।
कोतवाली क्षेत्रको गैसिंगपुर गाउँका 35 वर्षीय लखन कश्यप आफ्नो घर बाहिर सुतिरहेका थिए। राति कुनै समयमा उनको घाँटी रेटी हत्या गरियो।
बिहान परिवारका सदस्यहरूले खाटमा रगतले लतपतिएको लखनको शव देखे। घटनाले गाउँमा खैलाबैला मच्चायो। पुलिसले घटनास्थलमा पुगेर शवलाई आफ्नो कब्जामा लिएर पोस्टमार्टम प्रक्रिया शुरु गरेको छ।
परिवारका सदस्यहरूले गाउँका एक युवकमाथि हत्याको आरोप लगाएका छन्। यो युवकले केही दिनअघि लखनलाई मार्ने धम्की दिएको थियो।
प्रभारी निरीक्षक विनोद कुमार पाण्डेले बताए, उजुरी आएपछि रिपोर्ट दर्ता गरिनेछ। पोस्टमार्टम भइरहेको छ। हत्याको छिट्टै समाधान हुनेछ।
हिन्दुस्थान समाचार / भवानी थामी
