रामेश्वरम, 26 मार्च (हि.स.)। तमिलनाडुको रामेश्वरम बन्दरगाहबाट अनुमति लिएर समुद्रमा माछा मार्न गएका सात जना मछुआराहरूलाई बिहिवार बिहान श्रीलंका नौसेनाका जवानहरूले पक्राउ गरेका छन्। तिनीहरूको दुई वटा मोटरबोट पनि जफत गरिएको छ। यसले वरपरका क्षेत्रका मछुआराहरूमा आक्रोश फैलाएको छ।

बन्दरगाहबाट अनुमति लिएर धेरै मछुआराहरू समुद्रमा माछा मार्न गएका थिए। यसैबीच नेदुन्तिवु (डेल्फ्ट टापु) नजिकै गस्ती गरिरहेको श्रीलंकाली नौसेनाले सीमा पार गरेर माछा मारेको आरोपमा सात जना मछुआराहरूलाई पक्राउ गऱ्यो। श्रीलंकाली नौसेनाले उनीहरूको दुईवटा मोटरबोट पनि जफत गरेको छ।

श्रीलंका सेनाका जवानहरूले पक्राउ गरिएका सात मछुआरागरूलाई कांगेसन नौसेना शिविरमा लगे, जहाँ उनीहरूसित सीमापार माछा मारेको आरोपमा विस्तृत रूपमा सोधपुछ भयो। शिविरमा सोधपुछपछि मछुआराहरूलाई मन्नार जिल्लाको मत्स्य विभागका अधिकारीहरूलाई सुम्पिएको छ। उनीहरूलाई अदालतमा पेश गरी जेल पठाइने सम्भावना छ।

मछुआराहरूको जीविकोपार्जन प्रभावित भइरहेको छ

सीमा पार गरेर माछा मारेको आरोपमा श्रीलंकाली नौसेनाले तमिलनाडुका मछुआराहरूलाई पक्राउ गरेको घटनाहरू निरन्तर प्रकाशमा आइरहेको छ। नेदुन्तिवु नजिकै भएको यो गिरफ्तारीले तमिलनाडु र पुडुचेरीका मछुआराहरूमा व्यापक आक्रोश फैलाएको छ। समुद्री सीमामा भ्रमका कारण बारम्बार भइरहेका यी घटनाहरूले मछुआराहरूको जीविकोपार्जनलाई प्रभावित गरिरहेको छ र स्थायी समाधानको माग उठिरहेको छ। कब्जा गरिएका डुङ्गाहरू फिर्ता नपाएको स्थितिमा माछा मार्न पैसा ऋण लिने मछुआराहरूले आर्थिक क्षतिको सामना गर्नुपर्ने हुन्छ। यस ताजा घटनाले रामेश्वरमका माछा मार्ने गाउँहरूमा गहिरो शोक र चिन्ता छाएको छ।

हिन्दुस्थान समाचार / भवानी थामी