नयाँ दिल्ली, 06 मार्च (हि.स.)। आम आदमी पार्टी (आआपा)-का राष्ट्रिय संयोजक औं दिल्लीका पूर्व मुख्यमन्त्रीअरविन्द केजरीवाल शुक्रवार दिल्ली विधानसभाको विशेषाधिकार समिति सामू उपस्थित हुनेछन्। केजरीवालले यस सम्पूर्ण कारबाहीलाई लाइभ स्ट्रीमिंग गर्ने माग राखेका छन्।

अरविन्द केजरीवालले शुक्रवार सोशल मीडिया प्लेटफर्म एक्सको पोस्टमा लेखेका छन्, आज दिल्ली विधानसभाको विशेषाधिकार समिति सामू अपरान्ह 3 बजी पेश हुनेछु। उनीहरूले मलाई “फाँसी घर”-माथि चर्चा गर्नको लागि बोलाएको छ।

उल्लेखनीय छ, पूर्व मुख्यमन्त्री अरविन्द केजरीवालले गत मंगलवार नै दिल्ली विधानसभाको विशेषाधिकार समितिलाई पत्र लेखेर सूचित गरिसकेका छन् कि उनी समन अनुसार 6 मार्चमा व्यक्तिगत रूपमा उपस्थित हुनेछन्। यो मामिला दिल्ली विधानसभा परिसरमा कथित फाँसी घर-को उपस्थितिसित जोड़िएको विवादसित सम्बन्धित छ जसमा पूर्व आआप सरकार कालमा उठाइएका दाबीहरूको प्रामाणिकतामाथि प्रश्न उठेको छ। विशेषाधिकार समितिले अरविन्द केजरीवाल, मनीष सिसोदिया, राम निवास गोयलर राखी बिरलालाई पहिला नै समन जारी गरेको थियो जसलाई अब केजरीवालले स्वीकार गरेका छन्।

हिन्दुस्थान समाचार / उष्णता छेत्री शर्मा