धर्मशाला, 07 मार्च (हि.स.)। लागूऔषध तस्करीमा संलग्न व्यक्तिहरू विरुद्ध नुरपुर पुलिस जिल्लाको जारी कारबाही अन्तर्गत लागूऔषध तस्करीमा संलग्न एक व्यक्तिलाई जेल पठाइएको छ। यस मामिलामा जिल्ला कांगडाको तहसील ज्वाली, पोस्ट अफिस हरसर गाउँ निवासी रघुनाथका छोरा लक्की (34) लाई पीआईटी एनडीपीएस एक्ट अन्तर्गत निरोधात्मक हिरासतमा राखिएको छ।

एसपी नूरपुर कुलभूषण वर्माले बताए, एनडीपीएस एक्ट अन्तर्गत तीन वटा मुद्दा पहिले ज्वाली र नुरपुर थानामा दर्ता भइसकेका छन्। बारम्बार पक्राउ र कानूनी कारबाही गरिएपनि अभियुक्त अवैध लागुऔषधको कारोबारमा संलग्न रह्यो। हिमाचल प्रदेश सरकारको गृह विभागद्वारा जारी गरिएको हिरासत आदेशको पालना गर्दै अभियुक्तलाई हिरासतमा राखिएको छ र धर्मशाला जिल्ला कारागार पठाइएको छ, जहाँ उलाई तीन महिनासम्म निरोधात्मक हिरासतमा राखिनेछ।

हिन्दुस्थान समाचार / भवानी थामी