गान्तोक, 07 मार्च (हि.स.)। अन्तरराष्ट्रिय महिला दिवसको अवसरमा सिक्किमका राज्यपाल ओमप्रकाश माथुरले सबै महिलाहरूमा आफ्नो शुभकामना प्रेषित गर्दै महिलाहरू हाम्रो प्रगतिको आधारशिला रहेको बताएका छन्।

राज्यपालले आफ्नो सन्देशमा भने, 'अन्तरराष्ट्रिय महिला दिवसको अवसरमा म सबै महिलाहरूलाई हार्दिक शुभकामना दिॅंदछु। सिक्किमका महिलाहरूले शिक्षा, राजनीति, समाज र अर्थव्यवस्थाको हरेक क्षेत्रमा अग्रणी भूमिका निर्वाह गरिरहेका छन्। महिलाहरू आज नेतृत्व, नवाचार र सामाजिक परिवर्तनको प्रेरणा बनिरहेका छन्। हाम्रा माता र दिदी-बहिनीहरू हाम्रो प्रगतिका आधारशिला हुन्।'

राज्यपालले अझ भने, 'राज्यमा पञ्चायत स्तरमा 50 प्रतिशतको प्रावधानले उनीहरूको भागीदारी उल्लेखनीय रूपमा बढेको छ, जुन उनीहरूको नेतृत्व र ग्रामीण विकासमा सक्रिय योगदानको प्रमाण हो। सिक्किमका महिलाहरू आत्मनिर्भरता र सामाजिक परिवर्तनको उदाहरण बनिरहेका छन्, जुन गर्वको विषय हो।'

राज्यपालले हामी सबै मिलेर महिलाहरूलाई अझ धेरै अवसर, सम्मान र सुरक्षा प्रदान गरौं भनी आह्वान गरेका छन्। उनले महिलाहरूका परिश्रम, साहस र समर्पणले हाम्रो समाज अझ उज्जवल भविष्यतर्फ अग्रसर बन्ने र विकसित भारत @2047 को सपनालाई साकार बनाउने विश्वास व्यक्त गरेका छन्।

हिन्दुस्थान समाचार / बिशाल