गुवाहाटी, 06 मार्च (हि.स.)। असमका मुख्यमन्त्री डा. हिमन्त बिस्व सरमाले शुक्रवार भने, अखिल गोगोईलाई लिएर गठबन्धन राजनीतिको “नाटक” नामांकन पत्र फिर्ता लिने अन्तिम दिनसम्म चलिरहनेछ। उनले राजनीतिक दलहरूलाई सल्लाह दिए, गठबन्धनको मुद्दामा अखिल गोगोईमाथि भरोसा गर्नु हुँदैन।
नहरकटियामा शुक्रवार आयोजित एक कार्यक्रममा सामेल हुनपूर्व पत्रकारहरूसित बातचित गर्दै मुख्यमन्त्रीले भने, अखिल गोगोईले गठबन्धनलाई लिएर बारम्बार आफ्नो नीति परिवर्तन गरिरहेका छन्, त्यसैले यो सम्पूर्ण प्रक्रिया अन्तिम समयसम्म अनिश्चितता कायम राख्ने रणनीतिको एक भाग हो।
मुख्यमन्त्रीले यो पनि भने, शिवसागर विधानसभा सीटको लागि भारतीय जनता पार्टी (भाजपा)-ले अहिलेसम्म अन्तिम निर्णय लिएको छैन। यस सीटमा भाजपा वा उसको सहयोगी असम गण परिषदमध्ये कसले उम्मेद्वारिता गर्ने हो, यसमाथि चर्चा भइरहेको छ।
उनले भने, गठबन्धनभित्र विचार-विमर्श भएपछि नै यस सम्बन्धमा अन्तिम निर्णय लिइनेछ। शिवसागर सीटलाई राजनीतिक रूपमा महत्वपूर्ण मानिन्छ जहाँबाट अखिल गोगोई वर्तमान विधायक हुन्।
हिन्दुस्थान समाचार / उष्णता छेत्री शर्मा