नयाँ दिल्ली, 16 अप्रेल (हि.स.)। संसदको तीन दिने विशेष सत्र शुरु हुनुभन्दा अगाड़ी कांग्रेस अध्यक्ष मल्लिकार्जुन खड्गेको अध्यक्षतामा विपक्षी इऩ्डी गठबन्धनका नेताहरूको बैठक बस्यो। विपक्षी दलका सदनका नेताहरू रणनीति बनाउन राज्यसभामा विपक्षी नेता खड्गेको कार्यालयमा भेटे। यस विशेष बैठकमा तीन प्रमुख विधेयकहरूमाथि छलफल गरियो, जसमा 2029 लोकसभा चुनाउमा महिलाहरूको लागि सीट आरक्षित गर्ने र निर्वाचन क्षेत्रहरूको सीमा पुन: रेखाङ्कन गर्ने लगायतका विधेयकहरू सामेल थिए। विपक्षले सीटहरूको संख्या 543 देखि बढ़ाएर अधिकतम 850 गर्न र परिसीमनका प्रावधानमाथि चिन्ता व्यक्त गरे।
बैठकमा राहुल गान्धी, जयराम रमेश, सैयद नसीर हुसैन, प्रमोद तिवारी, राष्ट्रवादी कांग्रेस पार्टी (एसपी) बाट सुप्रिया सुले, शिवसेना यूबीटीबाट संजय राउत, तृणमूल कांग्रेसबाट सागरिका घोष समेत तमाम नेताहरू उपस्थित रहे।
बैठकपछि कांग्रेस अध्यक्ष मल्लिकार्जुन खडगेले इन्स्टाग्राममा लेखे कि विपक्षले संसदलाई महिला आरक्षणको नाममा पेश गरिएको त्रुटिपूर्ण परिसीमन विधेयकहरूद्वारा हाईज्याक गर्न दिनेछैन। विपक्षी दलहरू एकजुट छन् र लोकतन्त्रमाथिको यो आक्रमणको दृढ़तापूर्वक विरोध गर्नेछन्।
आरएसपी सांसद एनके प्रेमचन्द्रनले भने, विपक्षले महिला आरक्षण विधेयकलाई पूर्ण समर्थन गर्दछ तर परिसीमन प्रक्रियाको विरोध गर्दछ। उनले भने, 2011 को जनगणनामा आधारित प्रस्तावित पिरसीमनले असन्तुलन सिर्जना गर्दछ। उदाहरणका लागि उत्तर प्रदेशले लगभग 135 सिट पाउनेछ, जबकि केरलाले 22.5 सिट मात्र पाउनेछ। यो असमानताले गर्दा विपक्षले सरकारको दृष्टिकोणको विरोध गर्दछ।
हिन्दुस्थान समाचार / भवानी थामी
