कोयम्बटुर, 18 अप्रेल (हि.स.)। कोइम्बटुर जिल्लाको वालपाराई हिल रोडमा 13 औँ हेयरपिन बेन्डमा शुक्रबार राति अनियन्त्रित पर्यटक भ्यान घाटीमा खस्दा नौ जनाको मृत्यु भएको छ। दुर्घटनामा एउटै विद्यालयमा काम गर्ने 7 जना शिक्षकसहित 9 जनाको मृत्यु भएको छ।
केरलाको मलप्पुरम क्षेत्रका 13 जना व्यक्ति भ्यानमा वालपाराई भ्रमण गर्न आएका थिए। वालपाराईको भ्रमण गरेपछि तिनीहरू पोल्लाची हुँदै केरल फर्किरहेका थिए। त्यही समय वालपाराई पहाडी ट्र्याकको 13 औँ हेयरपिन बेन्डमा चालकले नियन्त्रण गुमाएपछि वाहन सुरक्षा पर्खालमा ठोक्कियो र करिब 800 फिट गहिरो खाईमा खस्यो। वाहन 9 औँ हेयरपिन बेन्ड नजिकै पुग्यो र पूर्णरूपमा क्षतिग्रस्त भयो।
यस दुखद दुर्घटनामा 7 जनाको घटनास्थलमै मृत्यु भएको छ भने 2 जनाको पोल्लाची सरकारी अस्पतालमा उपचारका क्रममा मृत्यु भएको छ। मृतकमा आशा, शकिला, सजिता, मजिद नामकी स्कुलकी कर्मचारी र 12 वर्षीय बालकसहित 7 जना शिक्षक रहेको पुलिसको अनुसन्धानबाट थाहा भएको छ। थप 3 जना गम्भीर घाइते भएर अस्पतालमा भर्ना भएका छन्।
कोयम्बटुरका जिल्ला कलेक्टर पवन कुमारले उद्धार कार्य निकै छिटो सम्पन्न भएको बताए। दुर्घटनाको खबर आएपछि केरलाका विद्युत् मन्त्री कृष्णन कुट्टी पोल्लाची पुगे र मुख्यमन्त्रीसँग कुरा गरेपछि मृतकलाई क्षतिपूर्ति दिने घोषणा गरिने बताए
---------------
हिन्दुस्थान समाचार / भवानी थामी
