काठमाडौँ, 19 अप्रेल (हि.स.)। विश्वको दशौँ अग्लो पर्वत अन्नपूर्णा हिमालयको यस वर्षको वसन्त आरोहण औपचारिक रूपमा शुरु भएको छ। 8, 091 मिटर अग्लो यो पर्वत म्याग्दी जिल्लाको अन्नपूर्णा क्षेत्रमा अवस्थित छ। सेभेन समिट ट्र्याकका लक्पा शेर्पा नेतृत्वको सात नेपाली र पाँच विदेशी पर्वतारोहीको टोलीले आइतबार बिहान सूर्यको पहिलो किरण लिएर अन्नपूर्णा शिखर सफलतापूर्वक आरोहण गरेको छ।
कम्पनीका अनुसार, विदेशी पर्वतारोहीहरूमा क्यानडाका चार्ल्स पेज, रसियाका भ्यालेरी बाबानोभ, भ्लादिमिर अफानासेभ, युरी कुग्लोभ र अजरबैजानका इस्फार्ली असुर्ली समावेश छन्। नेपाली टोलीमा छेवाङ, दावा नार्बु, पासाङ डुक्पा, छाङ्गुबा, तारामन र पासाङ शेर्पा रहेका छन्।
आइतबार बिहान करिब 7ः30 बजी निदरल्यान्ड र अस्ट्रेलियाका दुई पर्वतारोहीसहित एक शेर्पा गाइड पनि शिखरमा पुग्न सफल भए। मौरिस हर्जोग ट्र्याक रुटका इन्जिनियर तेजबहादुर गुरुङका अनुसार, यस सिजनको पहिलो टोलीले सफलतापूर्वक आरोहण पूरा गरेको छ। अब आधार शिविरमा आउने पर्यटकहरूको आवागमन पनि बढ्नेछ।
यस वर्ष चार समूहका 27 जना पर्वतारोहीले पर्यटन विभागबाट अन्नपूर्णा हिमालय चढ्न अनुमति लिएका छन्। तिनीहरूबाट कुल राजस्व रु 1 करोड़ 20 लाख 49 हजार 175 प्राप्त भएको छ। गत वर्षको वसन्तमा 66 जनाले अन्नपूर्णा चढ्न अनुमति लिएका थिए।
सन् 1950 मा फ्रान्सका मौरिस हर्जोगले अन्नपूर्णाको पहिलो सफल आरोहण गरे। तिन वर्षपछि सन् 1953 मा एडमन्ड हिलेरी र तेन्जिङ नोर्गे शेर्पाले विश्वको सबैभन्दा अग्लो शिखर सागरमाथा (एभरेस्ट) को ऐतिहासिक आरोहण गरे। अन्नपूर्णबाट शुरु भएको यो नयाँ आरोहण सिजन पर्वतारोहीहरूका लागि उत्साहको विषय मात्र नभई नेपालको पर्यटन क्षेत्रका लागि पनि महत्त्वपूर्ण मानिन्छ।
--------
हिन्दुस्थान समाचार / भवानी थामी
