बेटन रूज (लुइसियाना, अमेरिका), २० अप्रेल (हि.स.)। अमेरिकाको लुइसियाना राज्यको श्रेवेपोर्टमा एक बन्दुकधारीले आइतबार सुबह तीनवटा घरमा पसेर आठ बच्चालाई गोली हानेर हत्या गरेको छ। जनवरी २०२४ पछि यो देशको सबैभन्दा घातक सामूहिक गोलीबारीको घटना मानिएको छ। यस घटनाले श्रेवेपोर्ट र छेउछाउका मानिसहरूमा ठूलो दुःख र त्रास फैलाएको छ। घटनास्थलमा पुग्नेहरु सबै रोइरहेका छन्।

लुइसियानाको केडो पेरिश कोरोनर कार्यालयका अनुसार, घटनाको क्रममा एक १३ वर्षीय किशोर घरको छानबाट हामफाल्दा घाइते भएका छन् र उनका केही हाड भाँचिएका छन्।

सीएनएन च्यानल र सीबीएस न्यूजका रिपोर्ट अनुसार, श्रेवेपोर्ट पुलिसका प्रवक्ता क्रिस बोर्डेलानले प्रेस कन्फ्रेन्समा जानकारी दिए अनुसार, गोलीबारीमा कूल १० जना आहत भएका छन्। सन्दिग्ध बन्दुकधारीको पहिचान शमार एल्किन्सको रूपमा गरिएको छ, जसलाई पुलिहको गोलीबारीमा घटनास्थल नजिकै मारिएको छ। मारिएका बच्चाहरूमा तीन छोरा र पाँच छोरी छन्, जसमा सात जना आफ्नै परिवारका आफन्त हुन्। उनीहरूमा जयला एल्किन्स (३), शायला एल्किन्स (५), कायला प्यू (६), लेयला प्यू (७), मार्केडन प्यू (१०), सरियाह स्नो (११), खेडेरियन स्नो (६) र ब्रेयलोन स्नो (५) सामेल छन्।

पुलिसले दिएको विवरण अनुसार, गोलीबारीको समयमा दुई महिलालाई गम्भीर चोट लागेको छ र एक किशोर पनि घाइते भएको छ। पुलिस अधिकारीहरूका अनुसार, सन्दिग्धले सबैभन्दा पहिले सडकमा एक महिलालाई गोली हानेका थिए, त्यसपछि नजिकैको घरमा पसेर आठ जनालाई गोली चलाए। लुइसियानाका अटर्नी जनरल लिज मुरिलले सोशल मिडियामार्फत जानकारी दिए अनुसार, धेरै कानून प्रवर्तन एजेन्सीहरूले यो घटनाको जाँच गरिरहेका छन्। राज्य प्रतिनिधि टामी फेल्प्सले भने, गोलीबारीको समयमा केही बच्चाहरूले पछिल्लो दैलोबाट भाग्ने प्रयास पनि गरेका थिए।

पुलिस रिपोर्ट अनुसार, यो घटनाका सन्दिग्ध एल्किन्स २०१९ मा हतियार सम्बन्धी मामिलामा पक्राउ परेको थियो। अमेरिकी आर्मीका अनुसार, उनले सात वर्षसम्म लुइसियाना आर्मी नेशनल गार्डमा सेवा पनि गरेका थिए। श्रेवेपोर्टका मेयर टम आर्सेनोले भने, “यस घटनाले सम्पूर्ण शहरमा हलचल छ।” गन वायोलेन्स आर्काइवका अनुसार, यो वर्ष अमेरिकामा अहिलेसम्म कम्तिमा ११४ वटा सामूहिक गोलीबारीका घटनाहरू भइसकेका छन्।

शहरका नगर परिषदकी सदस्य तबाथा एच. टेलर घटनास्थलमा निकै रोइन्। उनले यो श्रेवेपोर्टको इतिहासको सबैभन्दा दुर्भाग्यपूर्ण तथा सबैभन्दा घातक घटना रहेको बताइन्। श्रेवेपोर्ट पुलिस प्रमुख वेन स्मिथले भने, “म यो घटना कसरी भयो सोच्नै सक्दिन। यो बारेमा के भन्ने होला, मलाई नै थाहाँ छैन।” अमेरिकी हाउसका स्पीकर माइक जनसनले भने, “यो अत्यन्तै कठिन समयमा हामी पीडित परिवारसँग उभिएका छौं।”

---------------

हिन्दुस्थान समाचार / बिशाल