चराईदेव (असम), ०५ अप्रेल (हि.स.)। असममा विधानसभा चुनाउ नजिकिँदै गर्दा हिंसाका घटनाहरू बढ्दै गएका छन्। यही क्रममा चराईदेव जिल्लाबाट एक भयानक घटना सार्वजनिक भएको छ, जहाँ एक भारतीय जनता पार्टी (भाजपा) का कार्यकर्ताको कुटेरै हत्या गरिएको छ।
पुलिसले आइतवार भने, घटनामा मृतकको परिचय खुदकन बोराको रूपमा गरिएको छ, जो निर्वाचन प्रचारमा संलग्न थिए। आरोप छ, जय भारत पार्टीका समर्थकहरूले उनमाथि आक्रमण गरेका थिए, जसको परिणामस्वरूप उनको घटनास्थलैमा मृत्यु भयो।
स्रोतका अनुसार, जय भारत पार्टीका समर्थक तिलेश्वर मुर्मूलाई यो हत्यामा संलग्न भएको आरोप लगाइएको छ। घटनापछि सोनारी विधानसभा क्षेत्रमा तनाउपूर्ण वातावरण कायम रहेको छ।
यस घटनाप्रति प्रतिक्रिया व्यक्त गर्दै सोनारीका विधायक धर्मेश्वर कोंवरले यसलाई अत्यन्त दुर्भाग्यपूर्ण बताए। उनले भने, राजनीतिक कार्यकर्तालाई सार्वजनिक बाटोमा रोकेर हत्या गर्नु अस्वीकार्य छ।
क्षेत्रका स्थानीयहरूले यस घटनाको कडा निन्दा गरेका छन्। चुनाउको समयमा कडा पुलिस निगरानी भएको भए तापनि यस्तो घटनाले आक्रोश बढेको छ। पुलिसले मुख्य आरोपीलाई पक्राउ गरी अनुसन्धान शुरु गरेको छ, जबकि स्थानीय नागरिकहरूले दोषीहरूलाई कडा देखि कडो सजाको माग गरेका छन्।
---------------
हिन्दुस्थान समाचार / भवानी थामी
