नयाँ दिल्ली, 05 अप्रेल (हि.स.)। आगामी विधानसभा चुनाउ र उपचुनाउलाई ध्यानमा राखेर लागू गरिएको आदर्श आचार संहिता अन्तर्गत कारबाही गर्दै निर्वाचन आयोगले हालसम्म ₹651.51 करोड़ बराबरको नगदी र अवैध सामग्री जफत गरेको छ। आयोगले यो कारबाही निष्पक्ष, पारदर्शी र स्वतन्त्र चुनाउ सुनिश्चित गर्ने उद्देश्यले गरिएको स्पष्ट पारेको छ।

चुनाउ आय़ोग अनुसार, चार राज्य र एक केन्द्र शासित प्रदेशमा चुनावी तयारीबीच आदर्श आचार संहिताको प्रभावकारी पालना सुनिश्चित गर्न व्यापक निगरानी व्यवस्था लागू गरिएको छ। यस प्रणाली अन्तर्गत 5,173 भन्दा बढ़ी उड़ान टोली र 5,200 भन्दा बढ़ी स्थिर निगरानी टोलीहरू खटाइएको छ। यी टोलीहरूले अवैध गतिविधिहरूलाई तुरुन्तै रोक्न विभिन्न क्षेत्रहरूमा निरन्तर जाँच, खोजी र नाकाबन्दी गरिरहेका छन्।

आयोगको तर्फबाट बताइयो, 26 फरवरीदेखि इलेक्ट्रोनिक सीजर मेनेजमेन्ट सिस्टम (ईएसएमएस) मार्फत व्यापक मात्रामा अवैध वस्तुहरू जफत गरिएको छ। यसमा 53.2 करोड़ नगदी, 79.3 करोड़ रूपियाँको रक्सी, 230 करोड़ रूपियाँको लागूऔषध, 58 करोड़को बहुमूल्य धातु र 231.01 करोड़ रूपियाँका अन्य निःशुल्क उपहार सामेल छ।

राज्यगत रूपमा जफत गरिएका समानहरूको विवरणले देखाउँछ कि पश्चिम बंगालमा सबैभन्दा बढ़ी जफत गरिएका समानहरू 319 करोड़ रूपियाँ, त्यसपछि तमिलनाडुमा 170 करोड़ रूपियाँ, असममा 97 करोड़, केरलामा 58 करोड़ र पुडुचेरीमा 7 करोड़ रुपियाँ जफत गरिएको छ।

आयोगले नागरिकहरूलाई कुनै पनि असुविधा नहोस् भनेर सुनिश्चित गर्न जिल्लास्तरीय गुनासो समाधान समितिहरू गठन गरिएको पनि बताएको छ। यसले व्यक्ति र राजनीतिक दलहरूलाई तुरुन्त कारबाही सुनिश्चित गर्न सी-विजिल एप मार्फत आचार संहिता उल्लङ्घनको रिपोर्ट गर्न पनि आग्रह गरेको छ।

हिन्दुस्थान समाचार / बिशाल