नयाँ दिल्ली, 05 अप्रेल (हि.स.)। राष्ट्रपति द्रौपदी मुर्मु, उपराष्ट्रपति सीपी राधाकृष्णन र लोकसभाध्यक्ष ओम बिरलाले आइतबार इस्टरको अवसरमा देशवासीलाई शुभकामना दिएका छन्।
राष्ट्रपतिले एक्समा भने, सम्पूर्ण दाजुभाई तथा दिदीबहिनीहरूलाई इस्टरको हार्दिक शुभकामना! प्रभु येशू मसीहको पुनरुत्थानको यो पवित्र अवसरले हामीलाई सत्य, प्रेम, करुणा, त्याग र क्षमाको मूल्यमान्यता अपनाउन प्रेरित गर्दछ। यो दिन, हामीले सद्भाव, शान्ति र भाइचाराको प्रवर्द्धन गरी अझ राम्रो भविष्यका लागि सँगै प्रयास गर्ने संकल्प लिऔं।
उपराष्ट्रपतिले भने, येशू मसीहको जीवन र उहाँका शिक्षाहरूले प्रेम, त्याग, क्षमा र सेवाजस्ता शाश्वत मूल्यमान्यताहरूलाई प्रतिबिम्बित गर्दछन्। यो पवित्र अवसरले हाम्रो आशालाई नवीनीकरण गरोस्।
ओम बिरलाले भने, ईश्वरको कृपाले यो सुन्दर दिनले तपाईको जीवनमा नयाँ सुरुवात ल्याओस्। तपाईको विश्वासलाई बलियो बनाओस् र सुख, शान्ति तथा अनेकन आशीर्वादहरूले भरिपूर्ण बनाओस्।
कांग्रेसका राष्ट्रिय सभापति मल्लिकार्जुन खरगेले भने, इस्टरको यो तिथिले करुणालाई प्रेरित गरोस्, भाइचाराको बन्धनलाई मजबुत बनाओस् र उज्ज्वल, आशापूर्ण भविष्यको मार्ग प्रशस्त गरोस्।
लोकसभामा विपक्षी नेता राहुल गान्धीले भने, यो विशेष अवसरले तपाईको जीवनलाई खुशी, सद्भाव र समृद्धिले भरिपूर्ण बनाओस्।
---------------
हिन्दुस्थान समाचार / भवानी थामी
