इम्फाल, 10 मई, (हि.स.)। मणिपुरमा सुरक्षा बलहरूद्वारा गए शनिवार सञ्चालित व्यापक खोजी एवं कम्बिङ्ग अभियानमा भारी मात्रामा हतियार, विस्फोटक सामग्री, गोला-बारूद औ सञ्चार उपकरण जफत गरियो।

यस अवधि प्रतिबन्धित उग्रवादी सङ्गठन केसीपी (नोङ्गद्रेनखोम्बा)-का एकजना सक्रिय सदस्यलाई पनि पक्राउ गरियो।

आइतवार दिइएको आधिकारिक जानकारी अनुसार इम्फाल पूर्व जिल्लाको इरिलबुङ्ग थाना अन्तर्गत नोङ्गमाइजिङ्ग चिङ्गखोङगको बेसी क्षेत्रमा सञ्चालित अभियानमा सुरक्षा बलहरूले एउटा इंसास राइफल, एउटा .303 राइफल, एउटा .32 पिस्टोल, 11 वटा ह्याण्ड ग्रेनेड, मोर्टार गोला-बारूद, आईईडी विस्फोटक सामग्री, डेटोनेटर तथा विभिन्न प्रकारका हतियारहरूको म्यागजिन र 195 वटा जिउँदो कारतूस जफत गरियो। यस अतिरिक्त लगभग 13 किलोग्राम आईईडी विस्फोटक सामग्री पनि जफत गरियो।

यसरी नै पोरोमपत थाना क्षेत्रको आवा चिङ्ग तथा यस वरपरका क्षेत्रहरूबाट एउटा 7.62 एसएलआर राइफल, एउटा 9 एमएम एसएमजी कार्बाइन, चीनीयाँ ह्याण्ड ग्रेनेड, एम-16 म्यागजिन, वायरलेस सेट तथा अन्य गोला-बारूद जफत गरियो।

हिङ्गाङ्ग थाना अन्तर्गत मोङ्गजाम गाउँ तथा यस वरपरका क्षेत्रहरूमा सञ्चालित खोजी अभियानमा एउटा 12 बोर बन्दुक, जिउँदो कारतूस, हेलमेट, बुलेटप्रूफ ज्याकेट, बीपी प्लेट तथा वायरलेस उपकरण जफत गरियो। चिङ्गखेई चिङ्ग क्षेत्रबाट दुई वटा पिस्टोल र 57 वटा जिउँदो कारतूस जपत गरियो। सुरक्षा बलहरूले लुङ्घटर पहाड़ी क्षेत्र तथा सिनाकैथी क्षेत्रमा कम्बिङ्ग अपरेशन चलाएर उग्रवादीहरूले प्रयोग गर्दै आइरहेका बङ्करहरूमा पनि कब्जा जमायो।

यस अतिरिक्त सुरक्षा बलहरूले प्रतिबन्धित केसीपी (नोङ्गद्रेनखोम्बा) सङ्गठनका सक्रिय सदस्य थियाम इनाओ सिंह (33)-लाई इम्फाल पश्चिम जिल्लाको लाङ्फेल थाना क्षेत्रबाट पक्राउ गरे। उसको कब्जाबाट दुई वटा ह्याण्ड ग्रेनेड, 15 राउण्ड 9 एमएम गोली, मोबाइल फोन, आधार कार्ड र पहिचान जफत गरियो।

हिन्दुस्थान समाचार / उष्णता छेत्री शर्मा