मुम्बई, 10 मई (हि.स.)। एनसीपी (शरद पवार) सांसद सुप्रिया सुले शनिवार राति सड़क दुर्घटनाबाट बच्न सफल भइन्। मुम्बई-पुणे राजमार्गमा उनको कारलाई पछाड़ीबाट तीव्र गतिमा आएको कारले ठक्कर दियो। दुर्घटनामा कारलाई सामान्य क्षति पुगेको छ। भाग्यवश सुप्रियाको कारमा सवार सबै सुरक्षित छन्।

सांसद सुप्रियाले भनिन्, उनी पुणेबाट मुम्बई जाँदै गर्दा पछाड़ीबाट आउँदै गरेको गाड़ी (जीजे 13 सीएफ 5257) ले उनको कारलाई साइडबाट ठक्कर दियो। भाग्यवश दुर्घटनामा कोही पनि घाइते भएनन् र सबैजना सुरक्षित छन्। उनले भनिन्, तीव्र गति र लापरवाह ड्राइभिङले ज्यान जोखिममा पार्नसक्छ। उनले नागरिकहरूलाई सिट बेल्ट प्रयोग गर्न, सावधानी अपनाउन र जिम्मेवारीपूर्वक गाड़ी चलाउन आग्रह गरिन्। सुप्रिया बारामतीकी लोकसभा सदस्य हुन्।

हिन्दुस्थान समाचार / भवानी थामी