नयाँ दिल्ली, 11 मई (हि.स.)। दिल्लीकी मुख्यमन्त्री रेखा गुप्ता सोमवार “सोमनाथ स्वाभिमान पर्व”- को अवसरमा आयोजित प्रत्यक्ष प्रसारण कार्यक्रममा सहभागी भइन्। यस अवधि उनले चाँदनी चौकस्थित गौरी शङ्कर मन्दिरमा पूजा-अर्चना एवं जलाभिषेक गरी भगवान महादेवसित देशवासीहरूको सुख, समृद्धि र कल्याणको कामना गरिन्।

मुख्यमन्त्रीले भनिन्, सोमनाथ मन्दिर पुनर्निर्माण भएको 75 औं गौरवशाली वर्ष पूर्ण भएको उपलक्ष्यमा प्रधानमन्त्री नरेन्द्र मोदीको उपस्थितिमा आज सम्पूर्ण राष्ट्रले “सोमनाथ स्वाभिमान पर्व” मनाइरहेको छ। प्रधानमन्त्रीले सोमनाथ मन्दिरमा पूर्ण विधि-विधानपूर्वक पूजा-अर्जना एवं जलाभिषेक गरे।

रेखा गुप्ताले भनिन्, सोमनाथ एउटा मन्दिरम मात्र होइन, भारतको अखण्ड आस्था, सांस्कृतिक स्वाभिमान तथा आध्यात्मिक शक्तिको प्रतीक पनि हो। उनले भनिन्, अनेकौं आक्रमण तथा विध्वंश भए पनि सोमनाथको पुनर्निर्माणले यो सन्देश दिन्छ, भारतको संस्कृति, श्रद्धा एवं सनातन चेतना शाश्वत छ।

मुख्यमन्त्रीले भनिन्, काशी विश्वनाथदेखि केदारनाथ तथा महाकाल लोकदेखि सोमनाथसम्म, वर्तमान कालखण्ड भारतको सांस्कृतिक चेतनाको पुनर्जागरणको साक्षी बनिरहेका छन्।

यस अवसरमा क्याबिनेट मन्त्री प्रवेश साहिब सिंह, मनजिन्दर सिंह सिरसा, कपिल मिश्रा सहित ठूलो सङ्ख्यामा श्रद्धालुहरू उपस्थित थिए।

हिन्दुस्थान समाचार / उष्णता छेत्री शर्मा