हैदराबाद, 11 मई (हि.स.)। तेलुगु अभिनेता भरत कान्तको हैदराबादमा भएको सडक दुर्घटनामा निधन भएको छ। दुर्घटनाको समयमा उनीसँग सिनेमाटोग्राफर जी साई त्रिलोक पनि थिए। उक्त दुर्घटनामा उनको पनि मृत्यु भएको छ। पुलिसले घटनाको पुष्टि गरेको छ।

प्रहरीका अनुसार, यो दुर्घटना हैदराबादको आउटर रिङ रोडअन्तर्गत आदिबतला पुलिस थाना क्षेत्रमा भएको हो। एक्जिट-१२ नजिक अभिनेता सवार कार र एउटा ट्रकबीच भीषण ठक्कर हुँदा ३१ वर्षीय भरत कान्त र जी साई त्रिलोकको घटनास्थलमै मृत्यु भएको थियो।

भरत कान्त मूल रूपमा नेल्लोर निवासी थिए। उनी अभिनेता मात्र नभई डान्सर र कन्टेन्ट क्रिएटर पनि थिए। उनले सन् २०२१ मा निर्देशक चेन्ना नारायणको फिल्म ग्राममबाट अभिनय यात्रा शुरु गरेका थिए। उनी सन् २०२४ मा टेनेन्टमा देखिएका थिए।

---------------

हिन्दुस्थान समाचार / भवानी थामी