गुवाहाटी, 12 मई (हि.स.)। भारतीय जनता पार्टी (भाजपा) का नेता डा. हिमन्त बिस्व सरमाले लगातार दोस्रो कार्यकालका लागि असमको मुख्यमन्त्रीको रूपमा शपथ लिएका छन्। राज्यपाल लक्ष्मण प्रसाद आचार्यले मंगलवार उनलाई पद र गोपनीयताको शपथ दिलाए।

डा. सरमाले प्रधानमन्त्री नरेन्द्र मोदी, गृहमन्त्री अमित शाह, भाजपा राष्ट्रिय अध्यक्ष नितिन नवीन, केन्द्रिय मन्त्री राजनाथ सिंह र नितिन गडकरी साथै राष्ट्रिय लोकतान्त्रिक गठबन्धन (एनडीए) शासित राज्यका मुख्यमन्त्रीहरूको उपस्थितिमा गुवाहाटीको खानापारा स्थित वेटरनरी कलेज खेल मैदानमा आयोजित भव्य समारोहमा मुख्यमन्त्रीको रूपमा शपथ लिए। उनको शपथ ग्रहणपछि नवनिर्वाचित भाजपा विधायक रामेश्वर तेल र अजन्ता नेओग, असम गण परिषद (एजीपी) का अतुल बोरा र बोडोल्याण्ड पिपुल्स फ्रन्ट (बीपीएफ) का चरण बोडोले मन्त्रीको रूपमा शपथ लिए। राज्यपालले उनीहरूलाई पद र गोपनीयताको शपथ दिलाए।

2026 को असम विधानसभा चुनाउमा एनडीएले उत्कृष्ट प्रदर्शन गर्दै 126 सदस्यीय विधानसभामा 102 सिट जित्यो। भारतीय जनता पार्टीले 82 सिट जित्यो, जबकि यसका सहयोगीहरूले पनि राम्रो प्रदर्शन गरे।

हिन्दुस्थान समाचार / भवानी थामी