नयाँ दिल्ली, 12 मई (हि.स.)। कांग्रेस नेता राहुल गान्धीले नीट-यूजी 2026 परीक्षा रद्द भएकोमा केन्द्र सरकारलाई निशाना बनाउँदै 22 लाखभन्दा बढ़ी विद्यार्थीहरूको कड़ा परिश्रम, त्याग र सपना भ्रष्ट प्रणालीले चकनाचुर पारेको बताएका छन्। उनले आरोप लगाए कि पेपर लीक, सरकारी लापरवाही र शिक्षामा संगठित भ्रष्टाचारले युवाहरूको भविष्य जोखिममा पारेको छ।

राहुल गान्धीले एक्स पोस्टमा लेखेका छन्, केही बुबाहरूले ऋण लिए, केही आमाहरूले गहना बेचे र लाखौं बच्चाहरूले रातभरि पढ़े तर बदलामा उनीहरूले पेपर लीक र भ्रष्टाचार पाए। यो केवल असफलता मात्र होइन तर युवाहरूको भविष्य विरुद्ध अपराध हो।

उनले भने, हरेक पटक, पेपर माफिया भाग्छन् र इमान्दार विद्यार्थीहरू पीड़ित हुन्छन्। अब लाखौं विद्यार्थीहरूले फेरि एक पटक मानसिक तनाव, आर्थिक बोझ र अनिश्चितताको सामना गर्नेछन्। यदि शिक्षा कड़ा परिश्रमले होइन तर पैसा र प्रभावले निर्धारण गरिन्छ भने शिक्षाको मूल्य के रहनेछ?

उल्लेखनीय छ कि राष्ट्रिय परीक्षण एजेन्सी (एनटीए) ले नीट-यूजी 2026 परीक्षा रद्द गर्ने र पुन: परीक्षा सञ्चालन गर्ने निर्णय गरेको छ। एजेन्सीले परीक्षामा भएको कथित अनियमितता र अनुसन्धान एजेन्सीहरूको इनपुटको आधारमा यो निर्णय गरेको हो। केन्द्र सरकारले सम्पूर्ण मुद्दाको अनुसन्धान सीबीआईलाई हस्तान्तरण गरेको छ। एनटीएले पारदर्शिता र निष्पक्षता कायम राख्न परीक्षा रद्द गरी पुन: सञ्चालन गरिने बताएको छ। नयाँ परीक्षा मिति र प्रवेश पत्र तालिका चाँड़ै घोषणा गरिनेछ।

हिन्दुस्थान समाचार / भवानी थामी