कोलकाता, 14 मई (हि.स.)। पश्चिम बङ्गालकी पूर्व मुख्यमन्त्री ममता ब्यानर्जी बिहीबार कोलकातामा चुनाउपछिको हिंसासँग सम्बन्धित मुद्दाको सुनुवाइका क्रममा कलकत्ता उच्च अदालतमा पुगिन्। उनी अदालत परिसरमा वकिलको पहिरनमा देखिएकी थिइन्।

बिहान 11 बजीतिर ममता ब्यानर्जी अचानक उच्च अदालत परिसरमा पुगेकी थिइन्। कालो गाउन लगाएर अदालत पुगेकी ममताले परिसरमा उपस्थित जनता र वकिलमा हलचल मच्चाएकी थिइन्। जानकारीअनुसार उनी चुनाउपछिको हिंसासँग सम्बन्धित जनहित याचिकामा बयान दिन अदालत पुगेकी थिइन्।

यो मुद्दा मुख्य न्यायाधीश सुजय पाल र न्यायाधीश पार्थसारथी सेनको डिभिजन बेन्चमा सुनुवाइका लागि सूचीबद्ध गरिएको छ। यो मुद्दामा तर्क पेस गर्नका लागि ममता अदालतमा पुगेकी थिइन् भन्ने बताइएको छ।

राज्यमा निर्वाचन परिणाम घोषणा भएपछि विभिन्न क्षेत्रमा हिंसा र तनाउको घटना भएको आरोप लागेको छ। तृणमूल काङ्ग्रेसका सांसद कल्याण ब्यानर्जीका छोरा अधिवक्ता शिर्षान्य ब्यानर्जीले यस घटनालाई लिएर कलकत्ता उच्च अदालतमा जनहित याचिका दायर गरेका छन्।

मुद्दाको सुनुवाई शुरु हुनुअघि नै ममता ब्यानर्जी अदालत पुगेकी थिइन्। उच्च अदालतमा उनको उपस्थिति राजनीतिक र कानुनी सर्कलमा व्यापक रूपमा छलफल भएको थियो। यसअघि उनी एसआईआर मुद्दाको सुनुवाईका क्रममा सर्वोच्च अदालतमा पनि उपस्थित भएकी थिइन्।

---------------

हिन्दुस्थान समाचार / भवानी थामी