सिलगढ़ी, 14 मई (हि.स.)। सिलगढ़ीको एक्टियासाल क्षेत्र निवासी छात्रा श्रेयसी शीलले उच्च माध्यमिक परीक्षामा उत्कृष्ट प्रदर्शन गर्दै सम्पूर्ण राज्यभरिमा आठौं स्थान हासिल गरेकी छन्। सिलगढ़ी गर्ल्स हाई स्कूलकी छात्रा श्रेयसीले कला वर्गबाट 489 अङ्क प्राप्त गरी यो उपलब्धि हासिल गरेकी छन्।

श्रेयसीका पिताले घर अगाड़ि किराना पसल चलाउँछन् भने आमा एक प्राथमिक स्कूलकी शिक्षिका हुन्। बिहीवार मेरिट लिस्टमा श्रेयसीको नाम घोषणा हुनसाथ परिवार सहित सम्पूर्ण क्षेत्रमा खुशी फैलिएको छ।

स्कूल घरदेखि धेरै टाड़ा भएको कारणले दिनहुँ ओहोर-दोहोर गर्न श्रेयसीलाई धेरै समस्या हुन्थ्यो। कैयौं पटक टोटोबाट लामो दूरत्व तय गर्नुपर्थ्यो। स्कूल टाड़ा भएको कारणले कहिले त स्कूल जानु नै सम्भव हुँदैनथ्यो। तथापि तिनले सबै बाधाहरूलाई चिरेर यो सफलता हासिल गरेकी छन्।

श्रेयसी अब भूगोल विषयमा पढ़्न चाहन्छन् र भविष्यमा सरकारी नोकरी गर्ने सपना देखेकी छन्। आफ्नो सफलताको श्रेय तिनले आफ्ना माता-पिता, स्कूलका शिक्षकगण एवं ट्विटरलाई दिएकी छन्। श्रेयसीको यस उपलब्धिमा तिनको परिवार, स्कूल र सम्पूर्ण क्षेत्र गौरवान्वित भएका छन्।

हिन्दुस्थान समाचार / उष्णता छेत्री शर्मा