कोलकाता, 14 मई (हि.स.)। पश्चिम बङ्गालको मुख्य निर्वाचन अधिकारी कार्यालयले राज्यभरिका जिल्ला निर्वाचन अधिकारीगण तथा निर्वाचक पञ्जीकरण अधिकारीहरूलाई मतदाता सूचीलाई व्यापक सत्यापन गर्ने निर्देश दिएको छ। यस अभियान अन्तर्गत यस्ता मतदाताहरूलाई चिन्हित गरिनेछ जसले आफ्नो वासस्थान परिवर्तन गरिसकेका छन्, पञ्जीकृत ठेगानामा छैनन् वा जसको मृत्यु भइसकेको छ।

बुधवार जारी एक आधिकारिक बयानमा उल्लेख गरिएको छ, सबै जिल्लामा मतदाता सूचीको विस्तृत समीक्षा गरी अयोग्य नामहरूलाई भारतीय निर्वाचन आयोगको दिशा-निर्देश अनुसार हटाउने प्रक्रिया शुरू गरियोस्। अधिकारीहरूलाई आ-आफ्नो क्षेत्रमा मतदाता सूचीको गहन परीक्षण गर्न भनिएको छ।

निर्देशमा विशेष रूपमा फारम-7 आवेदनहरूलाई चाँड़ै सुल्झाउनेमाथि बल दिइएको छ। फारम-7 को उपयोग मतदाता सूचीमा आपत्ति दर्ता गराउन र नाम हटाउनको लागि गरिन्छ। सत्यापन अभियान अवधि चिन्हित मामिलाहरूमा आवश्यक कारबाही गर्ने निर्देश पनि दिइएको छ।

मुख्य निर्वाचन अधिकारी कार्यालय अनुसार यो अभियान आगामी चुनाउपूर्व मतदाता सूचीलाई अधिक पारदर्शी, सठीक औ त्रुटिरहित बनाउने उद्देश्यले सञ्चालन गरिँदैछ। निर्वाचन अधिकारीहरूको मान्यता छ, अद्यतन मतदाता सूची चुनावी प्रक्रियाको निष्पक्षतालाई कायम राख्न र जाली अथवा दोसाँधमा रहेका मानिसहरूलाई रोक्नको लागि आवश्यक छ।

राज्यका सबै जिल्ला प्रशासनिक अधिकारीहरूलाई यस कार्यलाई प्राथमिकताको आधारमा पूरा गर्ने अनि निर्वाचन आयोगको निर्देशलाई तत्काल अनुपालन गर्न भनिएको छ।

हिन्दुस्थान समाचार / उष्णता छेत्री शर्मा