कोलकाता, 15 मई (हि.स.)। पश्चिम बङ्गाल उच्च माध्यमिक शिक्षा परिषदले बिहीवार वर्ष 2026-को उच्च माध्यमिक परीक्षाको परिणाम घोषणा गऱ्यो। परिषद कार्यालय, विधाननगरमा आयोजित पत्रकार वार्तामा औपचारिक रूपमा परिणाम घोषणा गरियो। बिहान 11 बजेदेखि परीक्षार्थीहरूको लागि परिषदको आधिकारिक वेबसाइटहरूमा परिणाम उपलब्ध गराइयो।

यस वर्ष उच्च माध्यमिक परीक्षाका लागि मोठ 6 लाख 35 हजार 931 विद्यार्थीहरूले पञ्जीकरण गराएका थिए जसमध्ये 6 लाख 26 हजार 258 परीक्षार्थीहरू परीक्षामा सामेल भएकोमा 5 लाख 71 हजार 355 विद्यार्थीहरूलाई सफल घोषित गरियो। परीक्षाको मोठ उतीर्ण प्रतिशत 91.23 रहेको छ।

जिल्लागत प्रदर्शनमा पूर्व मेदिनीपुरले सबैभन्दा श्रेष्ठ परिणाम दर्ता गरेको छ। यस जिल्लाको उतीर्ण प्रतिशत 94.19 रहेको छ जुन राज्यमै सर्वाधिक हो। यस वर्षको मेधा सूचीमा शीर्ष 10 स्थानमा मोठ 64 विद्यार्थीहरूले आफ्नो स्थान बनाएका छन् जसमा 56 जना छात्र र 8 जना छात्रा सामेल छन्। आदृत पालले 496 अङ्क प्राप्त गरी राज्यमा प्रथम स्थान हासिल गरेका छन्।

यस वर्ष पहिलो पटक सेमेस्टर प्रणाली अन्तर्गत उच्च माध्यमिक परीक्षा सम्पन्न भएको थियो। परीक्षामा 15 वटा भाषा अनि 16 वटा व्यवसायिक विषयहरूलाई सामेल गरिएको थियो। राज्यभरिका 6837 विद्यालयहरूका विद्यार्थीहरूले परीक्षा दिएका थिए जसमा छात्राहरूको सङ्ख्या छात्रहरूको तुलनामा 66,486 अधिक थियो।

परिषदले बतायो, विद्यार्थीहरूले आधिकारिक वेबसाइटमा रोल नम्बर र पञ्जीकरण सङ्ख्या दर्ता गरी आफ्नो परिणाम हेर्न सक्नेछन्। स्कूलहरूबाट अङ्क पत्र तथा प्रमाण पत्र वितरण प्रक्रिया पनि शुरू गरिएको छ। साथै पोस्ट पब्लिकेशन स्क्रूटिनी औ पोस्ट पब्लिकेशन रिभ्यूको लागि आवेदन प्रक्रिया 14 मईको राती 12 बजेपछि शुरू हुनेछ।

यस अवसरमा मुख्यमन्त्री शभेन्दु अधिकारीले परीक्षाामा सफल सबै विद्यार्थीहरूलाई शुभकामना एवं बधाई दिए। मुख्यमन्त्रीले आफ्नो सन्देशमा भने, विद्यार्थीहरूको मिहेनत, अनुशासन र आत्मविश्वासले उनीहरूलाई सफलता दिलाएको हो। उनले भने, जीवनको यस महत्वपूर्ण पक्षमा प्राप्त सफलताले विद्यार्थीहरूलाई भविष्यमा अझ ठूलो लक्ष्य हासिल गर्ने प्रेरणा दिन्छ।

मुख्यमन्त्रीले सबै विद्यार्थीहरूको उज्जवल भविष्यको कामना गर्दै भने, उनीहरूले भविष्यमा परिवार, समाज अनि राज्यको सुनाम फैलाउनेछन्।

हिन्दुस्थान समाचार / उष्णता छेत्री शर्मा