-प्रधानमन्त्रीले ऊर्जा संकट, लोकतन्त्र, सेमीकन्डक्टर र भारतको वैश्विक भूमिकामाथि राखे विचार

नयाँ दिल्ली, 16 मई (हि.स.)। प्रधानमन्त्री नरेन्द्र मोदीले शनिवार द हेगमा विश्वव्यापी ऊर्जा संकटप्रति गहिरो चिन्ता व्यक्त गर्दै यदि विश्वले समयमै यो चुनौतीलाई सम्बोधन गरेन भने विगत केही दशकहरूमा भएका विकास उपलब्धिहरू क्षय हुनसक्ने बताएका छन्। उनले चेतावनी दिए कि विश्वको ठूलो जनसंख्या फेरि एक पटक गरीबीमा फस्नसक्छ।

प्रधानमन्त्री नरेन्द्र मोदी आफ्नो छह दिने पाँच राष्ट्रको भ्रमणको दोस्रो चरणमा नेदरल्याण्ड्स पुगेका छन्। यहाँ भारतीय समुदायलाई सम्बोधन गर्दै उनले भने, वर्तमान विश्वव्यापी परिस्थितिहरूमा विश्वले एक लचिलो र भरपर्दो आपूर्ति श्रृंखलाको आवश्यकता महसूस गरिरहेको छ। भारत र नेदरल्याण्ड्स पारदर्शी र भरपर्दो आपूर्ति श्रृंखला विकास गर्न मिलेर काम गरिरहेका छन्।

प्रधानमन्त्रीले भने, भारत र यूरोपेली संघबीच मुक्त व्यापार सम्झौता कार्यान्वयनपछि नेदरल्याण्ड्स युरोपको प्रमुख प्रवेशद्वार बन्नसक्छ। उनले उल्लेख गरे कि नेदरल्याण्ड्स मुख्य भूमि यूरोपमा भारतीय मूलका मानिसहरूको सबैभन्दा ठूलो समुदायको घर हो।

आफ्नो सम्बोधनमा सांस्कृतिक प्रतीकहरूको उल्लेख गर्दै प्रधानमन्त्रीले भने, जसरी भारत कमलको लागि प्रसिद्ध छ, त्यसरी नै नेदरल्याण्ड्स ट्यूलिपको लागि प्रसिद्ध छ। ट्यूलिप र कमल दुवैले सिकाउँछन् कि चाहे पानीमा जरा गाड़ेको होस् वा माटोमा, सुन्दरता र शक्ति दुवै प्राप्त गर्न सकिन्छ।

प्रधानमन्त्री मोदीले भने, हालैका वर्षहरूमा भारतमा लोकतन्त्रमा जनताको विश्वास निरन्तर बलियो भएको छ। जब सामान्य नागरिकहरूले आफ्ना सपनाहरू पूरा भएको देख्छन् र विकासमा भाग लिन्छन् तब लोकतान्त्रिक प्रणालीमा विश्वास अझ् बढ्छ।

हालैका विधानसभा चुनाउहरूलाई उद्धृत गर्दै उनले भने, असम, पश्चिम बंगाल, केरल, तमिलनाडु र पुडुचेरीमा लगभग 90 प्रतिशत मतदाता मतदान भएको छ, जसले लोकतन्त्रमा बढ्दो जनताको विश्वासलाई प्रतिबिम्बित गर्दछ।

16 मईको विशेष उल्लेख गर्दै प्रधानमन्त्रीले भने, 2014 मा यसै दिन लोकसभा चुनाउको नतिजा घोषणा गरिएको थियो र दशकौंपछि देशमा स्थिर र पूर्ण बहुमतको सरकार गठन भएको थियो। उनले भने, मुख्यमन्त्रीको रूपमा 13 वर्ष र प्रधानमन्त्रीको रूपमा 12 वर्ष देशको सेवा गर्नु एक सौभाग्य हो। करोड़ौं देशवासीहरूको निरन्तर समर्थन उनको सबैभन्दा ठूलो पूंजी हो।

प्रधानमन्त्री मोदीले भने, उनी सानै उमेरदेखिकै देशभक्तिले ओतप्रोत थिए। उनले “अहम् से वयम्” को बाटो रोजे र अब जनताको खुशी उनको आफ्नै खुशी बनेको छ र जनताको कल्याण उनको कर्तव्य बनेको छ।

उनले भने, आज भारतले परिवर्तनको सपना मात्र देखिरहेको छैन तर सर्वश्रेष्ठ बन्ने सपना देखिरहेको छ। देश द्रुत विकास, आधुनिक तकनीक र विश्वव्यापी नेतृत्वतर्फ अघि बढ़िरहेको छ।

प्रधानमन्त्रीले भने, आजको भारत आफ्नो सिमानामा सीमित देश होइन तर विश्वको विकास इन्जिन बन्ने दिशामा अघि बढ़िरहेको छ। भारत ओलम्पिक आयोजना गर्ने, विश्वव्यापी उत्पादन केन्द्र बन्ने र हरित ऊर्जामा नेतृत्व गर्ने दिशामा द्रुत गतिमा काम गरिरहेको छ। उनले जानकारी दिए कि भारत सेमीकन्डक्टर क्षेत्रमा पनि द्रुत गतिमा अगाड़ी बढ़िरहेको छ। देशमा 12 सेमीकन्डक्टर प्लान्टहरूमा काम भइरहेको छ, जसमध्ये दुईले पहिले नै उत्पादन शुरु गरिसकेका छन्। अब चिप पनि डिजाइन इन इन्डिया र मेड इन इन्डिया हुनेछ।

प्रधानमन्त्री नरेन्द्र मोदीले नेदरल्याण्ड्सको भ्रमण गर्दा आफूलाई भारतमा भएको जस्तो महसुस भइरहेको बताए। भारतीय समुदायले देशको प्रगतिमा महत्वपूर्ण भूमिका खेलेको छ र प्रत्येक भारतीयलाई यसमा गर्व छ। उनले भने, यहाँ बसोबास गर्ने भारतीय परिवारका कथाहरू केवल बसाइँसराइका कथाहरू मात्र होइनन्, संघर्ष र सफलताका कथाहरू हुन्। समय परिवर्तन भएको छ, देशहरू परिवर्तन भएका छन्, र पुस्ताहरू परिवर्तन भएका छन् तर भारतीय संस्कार, पारिवारिक व्यवस्था र सांस्कृतिक सम्बन्धहरू जीवित छन्।

प्रधानमन्त्रीले भने, भारतीयहरूले डच भाषा अपनाए तर आफ्नो मातृभाषा र सांस्कृतिक परम्परालाई पनि संरक्षण गरे। भारतीय संगीत र संस्कृति आज नेदरल्याण्ड्सका परिवारहरूमा पुगिरहेको छ।

हिन्दुस्थान समाचार / भवानी थामी