कोलकाता, 18 मई (हि.स.)। पश्चिम बङ्गालमा भाजपा सरकार गठन भएपछि तृणमूल कङ्ग्रेसका नेताहरूको सुरक्षा व्यवस्थामा लगातार बद्लाउ गरिँदैछ। अभिषेक ब्यानर्जीको सुरक्षामा कटौती गरिएपछि अब अन्य तृणमूल नेता तथा पूर्व मन्त्रीहरूको सुरक्षामा पनि कटौती गरिएको छ। राज्य सरकारले केही नेताहरूको आवास बाहिर तैनाथ अतिरिक्त सुरक्षा कर्मीहरूलाई हटाउनका साथै ब्यारिकेडलाई पनि हटाइएको छ।
सुरक्षामा कटौती गरिएका तृणमूल कङ्ग्रेसका नेताहरूमा क्रमशः राज्यसभा सांसद एवं राज्यका पूर्व डीजी राजीव कुमार, वरिष्ठ नेता शोभनदेव चट्टोपाध्याय औ विधायक कुणाल घोष प्रमुख रूपमा सामेल छन्। जानकारी अनुसार मोठ दश जना तृणमूल नेता एवं पूर्व मन्त्रीहरूको आवासमा तैनाथ सुरक्षा बलहरूको सङ्ख्या घटाइएको छ।
यसपूर्व भाजपा सरकार गठन भएको केही दिनपछि नै तृणमूल सांसद अभिषेक ब्यानर्जीको सुरक्षा व्यवस्थामा कटौती गरिएको थियो। तृणमूल शासनकालमा उनको हरिश च्याटर्जी स्ट्रीटस्थित आवासलाई कड़ा सुरक्षाको घेरोभित्र राखिएको थियो जसलाई लिएर विपक्षी दलहरूले प्रश्न उठाएका थिए, एकजना सांसदलाई यति धेरै सुरक्षा किन दिइएको हो जबकि उनी मन्त्री पनि होइनन्?
सरकारी अधिकारीहरू अनुसार अब अभिषेक ब्यानर्जीलाई सांसदको रूपमा निर्धारित सुरक्षा नै उपलब्ध गराइनेछ। यसबीच सोमवार यो जानकारी बाहिरिएको छ, तृणमूल सांसद कल्याण ब्यानर्जी, विधानसभामा वर्तमान नेता प्रतिपक्ष शोभनदेव चट्टोपाध्याय औ विधायक कुणाल घोषको आवास बाहिर तैनाथ सुरक्षा ब्यारिकेडलाई हटाइएको छ।
यस अतिरिक्त वरिष्ठ तृणमूल नेताहरू क्रमैले चन्द्रिमा भट्टाचार्य, अरूप विश्वास र सुब्रत बक्शीको सुरक्षा व्यवस्थाको पनि समीक्षा गरिएको छ भने कतिपय मामिलामा सुरक्षालाई घटाइएको छ। अधिकारीहरूको भनाइ छ, तृणमूल शासनमा केही नेताहरूलाई आवश्यकताभन्दा अधिक सुरक्षा प्रदान गरिएको थियो।
सरकारी सूत्र मुताविक अब राजीव कुमार र कल्याण ब्यानर्जीलाई सांसदहरूको लागि निर्धारित सुरक्षा प्राप्त हुनेछ भने कुणाल घोषलाई विधायक भएको नाताले विधायक स्तरको सुरक्षा प्राप्त हुनेछ। यसरी नै अरूप विश्वास र शोभनदेव चट्टोपाध्याय अब मन्त्री रहेनन्। अरूप विश्वासले त झन् चुनाउ पनि हारिसकेका छन्, त्यसैले उनीहरूको सुरक्षा व्यवस्थालाई सोही अनुरूप संशोधन गरिनेछ।
यसै क्रममा राज्यका सुरक्षा निदेशक पीयूष पाण्को सुरक्षाको पनि समीक्षा गरिएको छ। भनिन्छ, पूर्व कार्यवाहक पुलिस महानिदेशक रहेका पीयूष पाण्डेको सुरक्षामा पनि कटौती गरिएको छ।
---------------
हिन्दुस्थान समाचार / उष्णता छेत्री शर्मा
20 May 2026
