पुलवामा, 0२ मई (हि.स.)। जम्मू-कश्मीरको पुलवामा जिल्लाको राजपोरा क्षेत्रमा शनिबार सुरक्षा बलहरूले संयुक्त खोजी अभियानका क्रममा एक आतङ्कवादी सहयोगीलाई पक्राउ गरेका छन्। पक्राउ परेका व्यक्तिबाट हतियार तथा विस्फोटक सामग्री पनि बरामद गरिएको छ।एक पुलिस अधिकारीका अनुसार, उक्त अभियान पुलवामा पुलिसले भारतीय सेनाको ४४ राष्ट्रिय राइफल्स र केन्द्रिय रिजर्भ पुलिस बल (सीआरपीएफ) को १८३औँ बटालियनसँगको समन्वयमा विशेष गोप्य सूचनाका आधारमा सञ्चालन गरिएको थियो। संयुक्त टोलीले राजपोरा क्षेत्रमा सीबी नाथ रोड नजिकैको कस्बायार क्षेत्रमा खोजी अभियान सञ्चालन गरेको थियो। यसै क्रममा काचीपोरा निवासी मोहम्मद उमर मलिक नामक एक आतङ्कवादी सहयोगीलाई पक्राउ गरिएको हो।सुरक्षा बलहरूले उनको साथबाट एक पिस्तोल, म्यागजिन, जिउँदा कारतूस र दुईवटा ह्यान्ड ग्रेनेडसहित अन्य सामग्री बरामद गरेका छन्। राजपोरा पुलिस थानामा एफआईआर नम्बर ७५/२०२६ दर्ता गर्दै आरोपीविरुद्ध शस्त्र ऐन र गैरकानुनी गतिविधि (नियन्त्रण) ऐन (यूएपीए) अन्तर्गत मुद्दा दर्ता गरिएको छ। पुलिसले घटनाबारे थप जाँच भइरहेको जनाएको छ।

हिन्दुस्थान समाचार / भवानी थामी