देहरादून, 27 मई (हि.स.)। गौरीकुण्ड क्षेत्रको घोड़ा पड़ाव मुनिको नदीबाट एक अज्ञात व्यक्तिको शव फेला परेको छ। गौरीकुण्ड थानाबाट प्राप्त जानकारीको आधारमा एसडीआरएफले शवलाई आफ्नो कब्जामा लिई पुलिसलाई सुम्पेको छ।

जानकारी अनुसार, एसडीआरएफका उप-निरीक्षक आशिष डिमरीको नेतृत्वमा एसडीआरएफ, डीडीआरएफ र एनडीआरएफको संयुक्त टोली घटनास्थलमा पुगेर कठिन र चुनौतीपूर्ण परिस्थितिमा नदीबाट शव फेला पारेको छ। समाचार लेखिञ्जेलसम्म शवको पहिचान भएको थिएन। गौरीकुण्ड थाना पुलिसले यस विषयमा अनुसन्धान गरिरहेको छ।

हिन्दुस्थान समाचार / भवानी थामी