कोलकाता, 27 मई (हि.स.)। पश्चिम बङ्गालमा कोलकाता पुलिसका अधिकारी गौतम दासलाई नवान्नमा पठाउने निर्देश जारी गरिएको छ। विधानसभा चुनाउअघि विवादमाआएका गौतम दासलाई त्यसबेला निलम्बन गरिएको थियो। अब राज्यमा सत्ता परिवर्तन भएपछि उनलाई नयाँ जिम्मेवारी दिइने तयारी भइरहेको छ।

सम्पूर्ण विवाद एउटा तस्वीरलाई लिएर शुरू भएको थियो। त्यस तस्वीरमा गौतम दासलाई कथित रूपमा एउटा अत्याधुनिक बन्दुक हातमा बोकेर थानाभित्र आफ्नो कुर्सीमा बसिरहेको देखाइएको थियो। तस्वीरमा उनले पुलिसको वर्दी लगाएका थिए। तथापि तस्वीरको स्वतन्त्र पुष्टि हुन सकेको थिएन। आरोप थियो, यो तस्वीर उनले आफै फेसबुक र व्हाट्सएप स्टेटसमा साझा गरेक थिए।

तृणमूल नेता जयप्रकाश मजुमदारले सबैभन्दा पहिला यो तस्वीरलाई सार्वजनिक गरेका थिए। उनले भनेका थिए, यस किसिमको तस्वीरले असहज स्थिति मात्र उत्पन्न नगरेर कानूनी रूपमा पनि आपत्तिजनक छ। उनको आरोप थियो, तस्वीरबाट यस्तो प्रतीत भइरहेको छ जस्तो कि कसैलाई लक्षित गरिरहेको छ।

विवाद बढ़ेपछि लालबजार प्रशासनले तत्काल कारबाही गर्दै गौतम दासलाई निलम्बन गरिदिएको थियो। उनको स्थानमा चामेली मुखोपाध्यायलाई कालीघाट थानाको नयाँ प्रभारी बनाइएको थियो। तर फेरि 24 घण्टा नबित्दै बलाई बागलाई नयाँ ओसी नियुक्त गरिएको थियो।

हिन्दुस्थान समाचार / उष्णता छेत्री शर्मा