पूर्व मेदिनीपुर, 28 मई (हि.स.)। पश्चिम बङ्गाल पुलिसको तत्परताले एउटा परिवारको ठूलो समस्या केही घण्टाभित्रै समाधान भयो। पाँसकुड़ा जीआरपीएसको सक्रियताले एकातिर ट्रेनबाट बेपत्ता भएकी 8 वर्षीय बालिकालाई सुरक्षित भेटियो भने अर्कोतिर ट्रेनमा छोड़िएको लगभग 80 ग्राम सुनको गहनाले भरिएको ब्यागलाई पनि खोजेर निकालियो।
प्राप्त जानकारी अनुसार गए बुधवार राती लगभग 9:25 बजे एक दम्पत्तिले पाँसकुड़ा जीआरपीएसमा आएर बतायो, उनीहरूकी 8 वर्षीय छोरी हावड़ा जाने ट्रेनबाट बेपत्ता भएकी छे। सूचना पाउनसाथ पाँसकुड़ा जीआरपीका अधिकारीहरूले तत्कालै हावड़ा रूटका सबै सम्बन्धित स्टेशनहरूमा ड्यूटीमा तैनाथ जीआरपी टीमहरूलाई बालिकाको विवरण पठाइदिए।
त्यसपछि भोगपुर रेलवे स्टेशनमा तैनाथ जीआरपीको प्लेटफर्म टीमले ट्रेनबाट बेपत्ता बालिकालाई सुरक्षित फेला पाऱ्यो। बालिका भेटिएपछि दम्पत्तिले पुलिसलाई यो पनि बतायो, त्यै ट्रेनमा उनीहरूको एउटा ब्याग छोड़िएको छ जसमा लगभग 80 ग्राम सुनका गहनाहरू राखिएको छ।
सूचना पाउनसाथ अघिल्लो स्टेशनमा तैनाथ जीआरपी टीमलाईसतर्क गराइयो। त्यसपछि पाँसकुड़ा जीआरपीएसको अधिकार क्षेत्र अन्तर्गत नन्दाइगाजन रेलवे स्टेशनमा ट्रेनबाट उक्त ब्यागलाई जफत गरियो।
पुलिसले आवश्यक सत्यापन, कानूनी प्रक्रिया औ सबै औपचारिकताहरू पूरा गरेपछि बालिका र ब्यागलाई सुरक्षित रूपमा दम्पत्तिलाई सुम्पिदियो।
हिन्दुस्थान समाचार / उष्णता छेत्री शर्मा
