चेन्नई, 03 मई (हि.स.)। सोमवार हुने तमिलनाडु विधानसभा चुनाउको गणनाको लागि सबै तयारी पूरा भएको छ। मतगणनाको लागि राज्यभरि 62 केन्द्रहरू स्थापना गरिएको छ। सबै मतदान केन्द्रहरूमा तीन-स्तरीय सुरक्षा व्यवस्था गरिएको छ। तमिलनाडु मात्र होइन सम्पूर्ण देशले चुनावी परिणामको उत्सुकतापूर्वक प्रतीक्षा गरिरहेको छ।

तमिलनाडुका मुख्य निर्वाचन अधिकारी अर्चना पटनायकले आइतवार एक विज्ञप्ति जारी गर्दै 23 अप्रेलमा भएको तमिलनाडू विधानसभा चुनाउको मतगणना 04 मईमा हुने बताएकी छन्। राज्यको 75,064 मतदान केन्द्रहरू र प्राप्त हुलाक मतपत्रहरूबाट मत गणना गर्न 62 गणना केन्द्रहरू स्थापना गरिएको छ। उनले इलेक्ट्रोनिक मतदान मेसिन (ईवीएम) मा रेकर्ड गरिएका मतगणनाको लागि सबै तयारी पूरा भएको बताइन्। हुलाक मतपत्र र इलेक्ट्रोनिक रूपमा प्रसारित हुलाक मतपत्र (ETPBs) र ईवीएम मत गणना गर्न कूल 3,324 टेबलहरू स्थापना गरिएको छ। हुलाक मतपत्र गणनाको लागि प्रत्येक 500 मतपत्रहरूको लागि एउटा गणना टेबल स्थापना गरिएको छ। यस उद्देश्यका लागि 1,135 अतिरिक्त सहायक निर्वाचन अधिकारीहरू खटाइएको छ।

उनले भनिन्, मतगणना कार्य निर्वाचन अधिकारीहरू र सहायक निर्वाचन अधिकारीहरूको सहयोगमा सञ्चालन गरिनेछ। मतगणनाको निम्ति कूल 10,545 कर्मचारीहरू नियुक्त गरिएको छ। साथै प्रक्रियाको पारदर्शिता र निष्पक्षता सुनिश्चित गर्न 4,624 सूक्ष्म पर्यवेक्षकहरू खटाइएको छ। उनले भनिन्, भारतको निर्वाचन आयोगले गणना प्रक्रियाको निगरानी गर्न र निर्वाचन आयोगको निर्देशहरूको कड़ाईका साथ पालना सुनिश्चित गर्न प्रत्येक विधानसभा निर्वाचन क्षेत्रको लागि एक-एक कूल 234 मतगणना पर्यवेक्षकहरू नियुक्त गरेको छ।

मतदान केन्द्रहरूमा तीन-स्तरीय सुरक्षा व्यवस्था गरिनेछ

उनले भनिन्, सहज मतगणना सुनिश्चित गर्न सबै मतदान केन्द्रहरूमा व्यापक तीन-स्तरीय सुरक्षा व्यवस्था राखिएको छ। पहिलो तह अन्तर्गत बाहिरी परिधिमा प्रत्येक गणना केन्द्र वरिपरि 100 मिटर फैलिएको सुरक्षा घेरा स्थापना गरिएको छ।

यस क्षेत्रमा अधिकृत व्यक्तिहरूलाई मात्र प्रवेश गर्न अनुमति दिइनेछ। परिचयपत्र प्रमाणित गर्न र शारीरिक खोजी गर्न प्रवेशद्वारहरूमा पर्याप्त पुसिकर्मीहरू तैनाथ गरिनेछ। दोस्रो तह (मध्य क्षेत्र) मा मतगणना परिसरको प्रवेशद्वारहरू राज्य सशस्त्र बलहरूद्वारा सुरक्षित गरिनेछ। यस क्षेत्रमा अनधिकृत आवाजाही निषेध गरिनेछ र तोकिएका स्थानहरूमा मात्र मोबाइल फोन र अन्य सञ्चार उपकरणहरूको प्रयोग गर्न अनुमति दिइनेछ।

यसबाहेक तेस्रो तहमा गणना कक्षहरू र ईवीएम सुरक्षा कक्षहरूको प्रवेशद्वारहरूमा अवस्थित सबैभन्दा महत्त्वपूर्ण सुरक्षा तह केन्द्रिय सशस्त्र पुलिस बलहरूले व्यवस्थापन गर्नेछन्। स्थानीय पुलिस र राज्य सशस्त्र बलहरू बाहेक सुरक्षाका लागि केन्द्रिय सशस्त्र पुलिस बलका 65 कम्पनीहरू मतगणना केन्द्रहरूमा तैनाथ गरिएको छ।

मुख्य निर्वाचन अधिकारी अर्चना पटनायकले भनिन्, मतगणना बिहान 8 बजी हुलाक मतपत्रहरूको गणनासँगै शुरु हुनेछ, त्यसपछि बिहान 8.30 बजी ईभीएममा दर्ता भोटहरूको मतगणना हुनेछ। सबै विधानसभा निर्वाचन क्षेत्रहरूको लागि राउन्डवार नतिजा सम्बन्धित निर्वाचन अधिकारीहरूले गणना केन्द्रहरूमा जड़ान गरिएको सार्वजनिक सम्बोधन प्रणाली मार्फत घोषणा गर्नेछन्।

हिन्दुस्थान समाचार / भवानी थामी