पटना, 09 मई (हि.स.)। बिहारका मुख्यमन्त्री सम्राट चौधरी शनिवार पश्चिम बङ्गालका मुख्यमन्त्रीको रूपमा शुभेन्दु अधिकारीको शपथ ग्रहण समारोहमा भाग लिए। यो समारोह कोलकाताको ऐतिहासिक ब्रिगेड परेड ग्राउण्डमा आयोजना गरियो।

सम्राट चौधरीले समारोहको भीडियो आफ्नो एक्स ह्याण्डलमासाझा गर्दै लेखे, प्रधानमन्त्री नरेन्द्र मोदीको उपस्थितिमा पश्चिम बङ्गालमा पहिलो पटक भाजपाको सरकार गठनको ऐतिहासिक क्षण हेर्न आएका छु। उनले यसलाई भाजपाको सङ्गठन शक्ति, जनविश्वास र राष्ट्रवादी राजनीतिको ठूलो उपलब्धि बताए।

उनले आफ्नो सन्देशमा भने, शपथ ग्रहण समारोह अवधि विभिन्न राज्यहरूबाट आएका मुख्यमन्त्रीहरू, वरिष्ठ नेताहरू तथा स्थानीय कार्यकर्ताहरूसित आत्मीय भेटघाट भयो।

सम्राट चौधरीले भने, “गङ्गोत्रीदेखि गङ्गासागरसम्म भाजपाको अविराम यात्रा” जनसमर्थन र राजनीतिक विस्तारको प्रतीक बनिसकेको छ।

उनले भने, पश्चिम बङ्गालमा भाजपा सरकारको गठन राज्यको राजनीतिमा एक नयाँ अध्यायको शुरूआत हो र मुख्यमन्त्री शुभेन्दु अधिकारीको शपथ ग्रहण समारोह ऐतिहासिक र स्मरणीय क्षण हो।

हिन्दुस्थान समाचार / उष्णता छेत्री शर्मा