नयॉं दिल्ली, 09 मई (हि.स.)। प्रधानमन्त्री नरेन्द्र मोदीले शनिबार कर्नाटक र तेलङ्गानाको भ्रमण गर्ने र त्यहाँ विभिन्न कार्यक्रममा भाग लिनेछन् भने करिब 9 हजार 5 सय करोडको विकास परियोजनाको उद्घाटन र शिलान्यास गर्ने बताएका छन्। मोदीले हैदराबादमा भारतीय जनता पार्टी (भाजपा) को एउटा र्यालीलाई पनि सम्बोधन गर्नेछन्।

सोसल मिडिया प्लेटफर्म 'एक्स' मा एक पोस्टमा प्रधानमन्त्रीले आर्ट अफ लिभिङ संस्थाको स्थापनाको 45 औँ वर्षगाँठ मनाउन बिहान 11 बजी हुने कार्यक्रममा सहभागी हुने बताएका छन्। संस्थाले समाजसेवाको भावना अनुरूप विभिन्न क्षेत्रमा प्रशंसनीय काम गरिरहेको उनले बताए।

त्यसपछि उनी दिउँसो हैदराबाद पुग्नेछन् जहाँ सडक, लजिस्टिक, कपडा, रेलवे र ऊर्जासहित विभिन्न क्षेत्रका करिब 9 हजार 5 सय करोडको परियोजनाको उद्घाटन र शिलान्यास गरिने मोदीले बताए।

त्यसपछि 'सिन्धु अस्पताल' राष्ट्रलाई समर्पण गर्ने कार्यक्रममा आफू पनि सहभागी हुने प्रधानमन्त्रीले जानकारी दिए। साँझमा उनले हैदराबादमा भारतीय जनता पार्टी (भाजपा) को र्यालीलाई सम्बोधन गर्ने उनले बताए।

आफ्नो पोस्टमा प्रधान मन्त्रीले पहिले भारत राष्ट्र समिति (बीआरएस) र अहिले काङ्ग्रेसको 'कुशासन' बाट थकित तेलङ्गानाका जनताले भाजपालाई आशाका साथ हेरिरहेका छन्। उनले राज्यमा भाजपालाई बढ्दो समर्थनले पार्टी तेलङ्गानाका लागि पहिलो छनोट बनिरहेको सङ्केत भएको दाबी गरे।

हिन्दुस्थान समाचार / बिशाल