गान्तोक, 09 मई (हि.स.)। गान्तोक जिल्ला एथलेटिक्स संघद्वारा आयोजित तेस्रो गान्तोक जिल्ला एथलेटिक्स प्रतियोगिता २०२६ आज रेसिथाङको खेल गाउँमा शुरु भएको छ। कार्यक्रमको शुभारम्भ सहभागी टोलीहरूद्वारा मार्च पासबाट भयो, जसपछि औपचारिक मशाल प्रज्वलन र खेलाडीहरूको शपथ ग्रहण सम्पन्न गरियो। यस प्रतियोगितामा जिल्लाभरका खेलाडीहरूले भाग लिइरहेका छन्।

कार्यक्रममा विधायक टीटी भोटिया मुख्य अतिथिको रूपमा उपस्थिति थिए। उद्घाटन समारोहलाई सम्बोधन गर्दै उनले खेलकुदको क्षेत्रमा जिम्मेवारी सम्हाल्ने प्रत्येक व्यक्तिले बहुमूल्य अनुभव र ज्ञान बोकेको हुन्छ, जुन युवा खेलाडीहरूले सिक्नु पर्छ भन्दै युवाहरूलाई आफ्ना प्रशिक्षक, वरिष्ठ र अधिकारीहरूको कुरा ध्यानपूर्वक सुन्न आग्रह गरे।

आफ्नो खेल यात्रा साझा उनले सिक्किम आर्चरी एसोसिएसनको अध्यक्षको रूपमा २७ वर्षसम्म सेवा गरेको जानकारी गराए। उनले राज्यमा खेलकुदसँगको आफ्नो लामो सम्बन्धको उल्लेख गर्दै फुटबल, भलिबल र टेबल टेनिसमा आफ्नो रुची रहेको अवगत गराए।

सिक्किममा खेलकुदको तीव्र वृद्धि भइरहेको छ भन्दै उनले युवाहरूलाई एथलेटिक्स र अन्य खेलकुद विषयहरूमा सक्रिय रूपमा भाग लिन प्रोत्साहित गरे। उनले च्याम्पियनशिपबाट भविष्यका धेरै खेलाडीहरू निस्कने आशा व्यक्त गरे। मुख्य अतिथिले युवाहरूलाई लागूपदार्थ र हानिकारक पदार्थहरूबाट टाडा रहन पनि जोड दिए।

यस दुई दिवसीय च्याम्पियनशिपमा विभिन्न उमेर समूह र वर्गहरूमा प्रतियोगिता सम्पन्न गरिने छन्, जसले उदीयमान खेलाडीहरूलाई आफ्नो प्रतिभा प्रदर्शन गर्न प्रतिस्पर्धात्मक मञ्च प्रदान गर्नेछ।

हिन्दुस्थान समाचार / बिशाल