उरई, 13 जून (हि.स.)। थाना कदौरा पुलिसले अन इन्टेन्शनल हत्याको एक मामिलामा कारबाही गर्दै फरार चार अभियुक्तलाई पक्राउ गरेको छ। अभियुक्तहरूको जानकारीको आधारमा घटनामा प्रयोग गरिएको रगतले लतपतिएको इँटा पनि जफत भएको छ।

यो सम्पूर्ण घटना 12 जूनको हो, जहाँ वादी लालारामले कदौरा थानामा उजुरी दिएका थिए र आरोपीले आफ्नी पत्नी कमला, छोरा वीरेन्द्र, रोहित, बुहारी शशिप्रभा र नाति अंकितलाई दुर्व्यवहार र कुटपिट गरेको बताए। यसै क्रममा शशिप्रभाको टाउकोमा ढुंगा लाग्दा गम्भिर चोट लागेको थियो। उनलाई मेडिकल कलेज झाँसीमा भर्ती गरिएको थियो जहाँ उनको उपचारको क्रममा मृत्यु भयो।

पुलिस अधीक्षक विनयकुमार सिंहको निर्देशमा मुद्दा दर्ता गरी अभियुक्तलाई पक्राउ गर्न टोली गठन गरियो। घटनाको अनुसन्धानको क्रममा फरार चार अभियुक्तको खोजी भइरहेको थियो। गत 12 जून राति कदौरा पुलिस टोलीले चेकिङको क्रममा चार जनालाई पक्राउ गरेको छ। पक्रा पर्नेहरूमा रामपाल, दयाराम, हल्कु उर्फ विजय र बब्लु रहेका छन्। उनीहरुको जानकारीको आधारमा पुलिसले घटनामा प्रयोग गरिएको रगतले लतपतिएको इँटा जफत गरेको छ। पक्रा परेका सबैलाई न्यायिक हिरासतमा पठाइएको जिल्ला पुलिस कार्यालयका अतिरिक्त पुलिस अधीक्षक इशान सोनीले जानकारी दिए।

हिन्दुस्थान समाचार / भवानी थामी