बरपेटा (असम), 14 जून (हि.स.)। बरपेटा जिल्लान्तर्गत कलगछियामा बितेको राति चार जना कुख्यात ड्रग्स तस्करहरूलाई पुलिसले पक्राउ गरेको छ। कलगछिया पुलिसले पछ्याएर ड्रग्स तस्करहरूलाई पक्राउ गऱ्यो।
पुलिस सूत्रले आज बताएको छ, स्थानीय मानिसहरूको सहयोगमा कलगछिया पुलिसले कलगछियाको होलसेल मार्केटस्थित नूर आलम र हाफिजुर रहमानको घरमा छापा माऱ्यो। यस अवधि नूर आलम सहित तीन जना अन्य ड्रग्स तस्करहरूलाई पक्राउ गरियो भने घटनास्थलबाट ड्रग्स माफिया हाफिजुर रहमान भाग्न सफल भयो।
पुलिसले घटनास्थलबाट दुई वटा ड्रग्सको प्याकेट, ड्रग्सले भरिएका 14 वटा कन्टेनर, 28.80 ग्राम संदिग्ध हेरोइन, 23,150 रुपियां नगद र 5 वटा मोबाइल फोन जफत गरेको छ।
चारैजना ड्रग्स तस्करहरूको पहिचान बलाईपथार गाउँ निवासी मीर लाबिबुल तौहीद, कलगछियाका नूर आलम, दिमापुर गाउँका अदनुर हक औ अशराफुल आलमको रूपमा गरिएको छ।
पुलिसले यस सम्बन्धमा एक प्राथमिकी दर्ता गरी अग्रिम जाँचको लागि आरोपीहरूसित जाँचबुझ गरिरहेको छ।
हिन्दुस्थान समाचार / उष्णता छेत्री शर्मा
