गोलाघाट (असम), 14 जून (हि.स.)। गोलाघाट जिल्लान्तर्गत मक्राङ्ग चिया बगान क्षेत्रमा आइतवार बिहान एक जना छात्रको शव भेटियो। मृत छात्रको पहिचान लोनपुरिया गाउँका अचिन्त्य राजखोवाको रूपमा गरिएको छ।

जानकारी अनुसार बिहान स्थानीय मानिसहरूले मक्राङ्ग चिया बगानभित्र एउटा पुरानो डस्टबिनमा अचिन्त्य राजखोवाको शवलाई देखे। घटनाको खबर पाएर पुलिस घटनास्थलमा पुग्यो अनि शवलाई कब्जामा लिई मामिलाको जाँच गर्न शुरू गऱ्यो। मृत अचिन्त्य राजखोवा फोरकटिङ्ग जूनियर कलेजको छात्र रहेको बताइएको छ।

मानिसहरूले बताए, मृत छात्र लोनपुरिया गाउँका बिमान राजखोवा र चम्पा राजखोवाका एकमात्र छोरा थिए। यसबीच यस घटनाको कारणले क्षेत्रको माहोल शोक अनि चिन्तापूर्ण भएको छ। छात्रको मृत्यु कसरी भयो, यो प्राकृतिक मृत्यु थियो कि कुनै दुर्घटना थियो न कुनै अपराधको कारणले यस्तो भएको हो, अहिलेसम्म स्पष्ट भएको छैन।

पुलिसले सबै पाटो र पक्षलाई ध्यानमा राखेर जाँच गरिरहेको छ। गोलाघाट पुलिसका वरिष्ठ अधिकारीले पनि घटनास्थलको निरीक्षण गरी जाँचको प्रगतिमाथि निगरानी राखिरहेका छन्। पोस्टमर्टम तथा पुलिसको जाँच पूरा भएपछि मात्र छात्रको मृत्युको कारण थाहा लाग्नेछ। पुलिसले यस सम्बन्धमा एउटा प्राथमिकी दर्ता गरेको छ।

हिन्दुस्थान समाचार / उष्णता छेत्री शर्मा