नयाँ दिल्ली, 14 जून (हि.स.)। केन्द्र सरकारको 12 वर्ष पूरा भएको अवसरमा स्वास्थ्य क्षेत्रमा भएका परिवर्तन र उपलब्धिहरूलाई प्रकाश पार्दै प्रधानमन्त्री नरेन्द्र मोदीले विगत एक दशकभन्दा अधिक समयमा भारतले आम जनताको लागि गुणस्तरीय स्वास्थ्य सेवा पहुँचयोग्य र उपचारलाई अझ् किफायती बनाउन उल्लेखनीय प्रगति गरेको बताएका छन्। उनले भने, आयुष्मान भारत र प्रधानमन्त्री भारतीय जनऔषधि परियोजना जस्ता योजनाहरूले करोड़ौं मानिसहरूको जीवनमा सकारात्मक परिवर्तन ल्याएको छ।

आइतवार सामाजिक सञ्जाल प्लेटफर्म एक्समा साझा गरिएको सन्देशमा प्रधानमन्त्री मोदीले भनेका छन्, आयुष्मान भारत आज विश्वको सबैभन्दा ठूलो स्वास्थ्य सुरक्षा कार्यक्रम बनेको छ। यो योजनाले समाजका आर्थिक रूपमा कमजोर र विपन्न वर्गलाई गुणस्तरीय स्वास्थ्य सेवा प्रदान गर्न महत्वपूर्ण भूमिका खेलिरहेको छ। उनले भने, यस योजना मार्फत लाखौं परिवारले गम्भीर रोगहरूको उपचारमा आर्थिक राहत पाएका छन्।

प्रधानमन्त्रीले भने, प्रधानमन्त्री भारतीय जनऔषधि परियोजना अन्तर्गत देशभरि गुणस्तरीय औषधिहरू किफायती दरमा उपलब्ध गराइँदैछ। यसले सामान्य नागरिकहरू, विशेषगरी गरीब र मध्यम वर्गका लागि चिकित्सा खर्चमा उल्लेखनीय कमी ल्याएको छ। उनले स्पष्ट पारे कि सरकारले मुटु रोगीहरूको लागि प्रयोग हुने स्टेन्ट र घुँड़ा प्रत्यारोपणको मूल्य नियन्त्रण गरेर उपचारलाई अझ् किफायती बनाएको छ, जसले गर्दा धेरै बिरामीहरूलाई फाइदा पुगेको छ।

उनले चिकित्सा शिक्षामा विस्तारको पनि उल्लेख गरे। प्रधानमन्त्रीले भने, देशमा नयाँ मेडिकल कलेज र स्वास्थ्य संस्थानहरूको स्थापनासँगै मेडिकल सिटहरूको संख्यामा निरन्तर वृद्धि भएको छ। यसले चिकित्सा शिक्षा खोज्ने युवाहरूका लागि नयाँ अवसरहरू सिर्जना गरेको छ र भविष्यमा स्वास्थ्य क्षेत्रको लागि थप प्रशिक्षित मानव संसाधनको उपलब्धता सुनिश्चित गर्नेछ।

प्रधानमन्त्री मोदीले भने, सरकारको लक्ष्य उपचार सुविधाहरू विस्तार गर्नु मात्र होइन तर प्रत्येक नागरिकको लागि समयमै र राम्रो पहुँच सुनिश्चित गर्दै व्यापक र बलियो स्वास्थ्य प्रणाली विकास गर्नु पनि हो। उनले 'स्वस्थ भारत' निर्माण गर्ने दिशामा अहिलेसम्म गरिएका प्रयासहरूले आगामी वर्षहरूमा अझ् प्रभावकारी परिणाम दिने विश्वास व्यक्त गरे।

उनले भने, केन्द्र सरकारले स्वास्थ्य क्षेत्र सुधार गर्न, पूर्वाधार विस्तार गर्न र आधुनिक चिकित्सा सुविधाहरूको उपलब्धता सुनिश्चित गर्न निरन्तर प्रयास गर्नेछ ताकि देशका प्रत्येक नागरिकले राम्रो स्वास्थ्य सेवाबाट लाभ उठाउन सकून्।

हिन्दुस्थान समाचार / भवानी थामी