नयाँ दिल्ली, 14 जून (हि.स.)। ‘अन्तरराष्ट्रिय योग दिवस’ अघि आइतवार अनलाइन योग सत्रले एक नयाँ इतिहास रच्यो। आज बिहान आयोजित अनलाइन योग सत्रमा देश र विश्वभरिका लगभग 4,35,831 जनाले भाग लिए। गत वर्ष यो संख्या 2,46,452 थियो।

यस अवसरमा मीडियासँग कुरा गर्दै आयुष मन्त्री प्रताप राव जाधवले योग केवल एक दिनको कार्यक्रम मात्र नभई स्वस्थ र सकारात्मक जीवन बिताउने तरिका भएको बताए।

उनले विशेषगरी युवाहरूलाई योगलाई आफ्नो जीवनशैली बनाउन र आफ्नो परिवार, साथीभाइ र समाजलाई यसमा संलग्न गराउन आग्रह गरे।

उनले भने, नरेन्द्र मोदीको नेतृत्वमा योग एक विश्वव्यापी जनआन्दोलन बनेको छ। युट्युब लाइभ स्ट्रिममा लाखौं देशवासीको सहभागिताले भारतको सामूहिक योग शक्ति प्रदर्शन गरेको छ, जुन गिनिज वर्ल्ड रेकर्डतर्फ अघि बढ़िरहेको छ।

उनले भने, प्रधानमन्त्रीको योग365 को आह्वानले हामीलाई 21 जुनमा मात्र सीमित नराखेर वर्षको 365 दिन योगलाई हाम्रो जीवनशैलीको हिस्सा बनाउन प्रेरित गर्छ। यो केवल व्यायाम मात्र होइन स्वस्थ, सशक्त र विकसित भारत निर्माण गर्ने दृढ़ प्रतिबद्धता हो।

यस अवसरमा आयुष सचिव वैद्य राजेश कोटेचाले भने, आगामी 21 जूनमा अन्तरराष्ट्रिय योग दिवसमा प्रधानमन्त्री नरेन्द्र मोदीले कोलकातामा मुख्य योग कार्यक्रमको नेतृत्व गर्नेछन्। आयुष सचिवले देश र विश्वभरिका मानिसहरूलाई भर्चुअल रूपमा सामेल हुन र प्रधानमन्त्रीसँग योग अभ्यास गर्न अपील गरे। #हर घर योगसँग सामाजिक सञ्जालमा आफ्नो योग सेल्फीहरू साझा गर्नुहोस् र आयुष मन्त्रालयलाई ट्याग गर्नुहोस्।

उल्लेख्य, यो अभियानलाई अझ् सुलभ र जनताको लागि पहुँचयोग्य बनाउन, आयुष मन्त्रालयको आधिकारिक युट्युब च्यानलमा लगातार 100 दिनसम्म नि:शुल्क अनलाइन लाइभ योग सत्रहरू आयोजना गरिँदैछ।

हैबिल्डका संस्थापकको मार्गदर्शनमा भारत र विश्वभरिका लाखौं मानिसहरूले यस युट्युब लाइभस्ट्रिममा उत्साहपूर्वक भाग लिए। लाखौं योग अभ्यासकर्ताहरूको यो अभूतपूर्व सहभागिताले विश्व मञ्चमा भारतको सामूहिक योग शक्तिको शक्तिशाली प्रदर्शन प्रदान गरेको छ, जसले गिनिज वर्ल्ड रेकर्डतर्फ बलियो कदम चालेको छ।

हिन्दुस्थान समाचार / भवानी थामी