दराप, 14 जून (हि.स.)। सिक्किमका लोकसभा सांसद डा. इन्द्रहाङ सुब्बाले दरापको लेबुन्बा पुङ्वा नी इङ्ग युकमा नवनिर्मित ल्याम्प हाउसको उद्घाटन गरे। यस परियोजनाका लागि एमपील्याड्स योजनाअन्तर्गत 5 लाख रूपियॉं सहयोग प्रदान गरिएको थियो।

कार्यक्रम सिकुम सियोङ सेप्सिङ युमा माङ्गको उपस्थितिमा आयोजना गरिएको थियो। साथै, कार्यक्रममा एसटीसीएस सल्लाहकार डिल्लीराम लिम्बू, युक्सम-टाशीडिङ निर्वाचन क्षेत्रको विधायकका ओएसडी बसन्त तामाङ, युमा माङ्ग मङ्गहिम निर्माण समितिका सदस्यहरू पनि उपस्थित थिए।

ल्याम्प हाउसको उद्घाटनले समुदायको आध्यात्मिक र सांस्कृतिक परम्परालाई सुदृढ पार्ने दिशामा महत्वपूर्ण कदम चाल्ने र यसले आउँदो पुस्ताका लागि भक्तिको स्थानको रूपमा काम गर्ने विश्वास व्यक्त गरिएको छ।

हिन्दुस्थान समाचार / बिशाल