नयाँ दिल्ली, 15 जून (हि.स.)। प्रधानमन्त्री नरेन्द्र मोदीले सोमवार पश्चिम एशियामा जारी संघर्ष अन्त्य गर्न अमेरिका र इरानबीच भएको सम्झौताको स्वागत गरेका छन्। उनले भने, भारत आशा गर्दछ कि यो सम्झौताको कार्यान्वयनले क्षेत्रमा शान्ति र स्थायित्व पुनर्स्थापित गर्नेछ र विश्वव्यापी व्यापार र नेभिगेसनको स्वतन्त्रता सुनिश्चित गर्नेछ।

प्रधानमन्त्री मोदीले सामाजिक सञ्जाल प्लेटफर्म एक्समा भनेका छन्, पश्चिम एशियामा जारी संघर्षले विश्वव्यापी रूपमा गम्भीर आर्थिक अवरोधहरू निम्त्याएको छ र धेरै देशहरूमा ज्यान पनि गएको छ। उनले संर्घष अन्त्य गर्न अमेरिका र ईरानबीच भएको समझदारीको स्वागत गरे।

उनले भने, भारतलाई आशा छ कि यस समझदारीको प्रभावकारी कार्यान्वयनले क्षेत्रमा शान्ति र स्थायित्व पुनर्स्थापित गर्नेछ र नेभिगेसन र वाणिज्यको स्वतन्त्रता सुनिश्चित गर्नेछ।

प्रधानमन्त्रीले यो पनि भने, बाँकी रहेका मुद्दाहरूमा जारी वार्ताले दिगो र अन्तिम सम्झौतामा पुर्याभउनेछ, जसले गर्दा क्षेत्रमा दीर्घकालीन शान्ति स्थापित हुनेछ।

अमेरिका र ईरान युद्ध अन्त्य गर्ने, रणनीतिक स्ट्रेट अफ होर्मुज पुन: खोल्ने र तेहरानको आणविक कार्यक्रममा वार्ता पुनः शुरु गर्ने उद्देश्यले मस्यौदा ढाँचामा सहमत भएको रिपोर्टहरू बाहिर आएपछि प्रधानमन्त्री मोदीको प्रतिक्रिया आएको हो।

हिन्दुस्थान समाचार / भवानी थामी