कोलकाता, 15 जून (हि.स.)। पश्चिम बङ्गालमा केन्द्र तथा राज्य सरकारका जनकल्याणकारी योजनाहरूको लाभ सर्वसाधारण जनतासम्म पुऱ्याउने उद्देश्यले राज्यव्यापी तीन दिवसीय जनकल्याण शिविरको शुरूआत सोमवार नन्दीग्रामबाट गरियो।
मुख्यमन्त्री शुभेन्दु अधिकारीले पूर्व मेदिनीपुर जिल्लाके रेयापाड़ाबाट कार्यक्रमको शुभारम्भ गर्दै सरकारी योजना, रोजगार, स्वास्थ्य एवं सामाजिक सुरक्षासित सम्बन्धित केही महत्वपूर्ण घोषणाहरू गरे।
मुख्यमन्त्रीले बताए, 15, 16 र 17 जूनसम्म राज्यभरिका लगभग 1100 स्थानहरूमा जनकल्याण शिविर आयोजना गरिँदैछ। यी शिविरहरूको माध्यमबाट केन्द्र तथा राज्य सरकारका 54 वटा महत्वपूर्ण योजनाहरूसित सम्बन्धित सेवाहरू मानिसहरूलाई उपलब्ध गराइनेछ।
उनले भने, अन्नपूर्णा योजना अन्तर्गत लाभार्थीहरूको सूची तयार गर्ने काम जारी छ। सोमवार बिहानसम्म 79 लाख महिलाहरूको ब्याङ्क खातामा तीन हजार रुपियाँको सहायता राशि पठाइसकिएको छ। मुख्यमन्त्रीले यो पनि दाबी गरे, आगामी दिनमा सबै पात्र लाभार्थीहरूसम्म योजनाको लाभ पुऱ्याइनेछ।
रोजगारको मुद्दामा मुख्यमन्त्रीले महत्वपूर्ण सन्देस दिँदै भने, सरकारी नियुक्तिमा पूर्ण पारदर्शिता अप्नाउनुपर्छ। उनले स्पष्ट पारे, सिफारिस तथा उत्तर पुस्तिकामा धाँधली जस्तो कुनै पनि व्यवस्थालाई सहन गरिनेछैन। परीक्षार्थीहरूलाई ओएमआर शीटको कार्बन प्रति घर लैजाने सुविधा दिइनेछ साथै मौखिक परीक्षाको अङ्कको महत्वलाई कम गर्ने अनि शैक्षणिक अङ्कलाई पनि मूल्याङ्कन प्रक्रियामा सामेल गरिनेछ।
मुख्यमन्त्रीले बताए, अनुसूचित जाति, अनुसूचित जनजाति, अन्य पछौटे वर्ग, दिव्याङ्ग र आर्थिक रूपमा कमजोर वर्गको लागि नियमानुसार आरक्षण सुनिश्चित गरिनेछ।
उनले भने, जनकल्याण शिविरमा अन्नपूर्णा योजना, आयुष्मान भारत योजना, सुकन्या समृद्धि योजना, बेटी बचाओ-बेटी पढ़ाओ, किसान क्रेडिट कार्ड, भूमि पट्टा आवेदन, भूमि अभिलेख संशोधन, म्यूटेशन, नागरिकता आवेदन, कृषि अवसंरचना निधि तथा छात्र-छात्राहरूको लागि स्टूडेन्ट क्रेडिट कार्ड जस्ता सेवाहरूसित सम्बन्धित समस्याहरूको समाधान गरिनेछ। पात्र मानिसहरूले यी योजनाहरूको नामाङ्कन भर्न सक्नेछन्।
स्वास्थ्य क्षेत्रलाई लिएर मुख्यमन्त्रीले भने, राज्यमा आयुष्मान मन्दिर स्थापना गरिँदैछ भने आगामी जुलाई महिनादेखिको मानिसहरूलाई आयुष्मान भारत कार्ड उपलब्ध गराइनेछ। यसको माध्यमबाट पात्र परिवारहरूलाई पाँच लाख रुपियाँसम्मको निःशुल्क उपचार प्राप्त् हुनेछ।
नन्दीग्रामको विकासको उल्लेख गर्दै मुख्यमन्त्रीले भने, क्षेत्रमा रेल सेवा शुरू गर्ने दिशामा काम भइरहेको छ। आवश्यक भूमि हस्तान्तरणको प्रक्रिया लगभग पूरा भइसकेको छ। आगामी केही महिनाभित्रमा नन्दीग्रामका मानिसहरूलाई रेल सम्पर्कको सुविधा प्राप्त हुने आशा छ। उनले हल्दिया-नन्दीग्राम पुल परियोजनालाी चाँड़ै अगाड़ि बढ़ाउनेआश्वासन दिए।
हिन्दुस्थान समाचार / उष्णता छेत्री शर्मा
